O segredo da felicidade
O WORLD HAPINESS REPORT 2023 ou Informe Mundial da Felicidade que elabora cada ano a Rede de Solucións para un Desenvolvemento Sostible, vinculado á ONU, volve a colocar a Finlandia coma o país mais feliz do mundo, seguido por Dinamarca e Islandia. España atópase lonxe do top dez, no posto 32, tres por debaixo do ano pasado e con morriña do posto 24 que ocupou no ano 2021.
Os países nórdicos son os gañadores dende a primeira edición da lista que data do 2012, e ocupan sempre cinco dos dez primeiros postos. No extremo contrario, aqueles países máis infelices que son: Afganistán, Líbano, Serra Leoa, Cimbabue e a República Democrática do Congo.
Esta idea de medir a felicidade nace ao abeiro da necesidade de poñer o benestar no centro da axenda. Os informes desenvolvidos amosan un resultado interesante, que é que as sociedades con altos niveis de confianza son mais felices e resilientes fronte a unha crise que aquelas que desconfían dos iguais e das súas institucións. Mais non só, as principais variables que contribúen a explicar as avaliacións de vida son o PIB per cápita, o apoio social, a esperanza de vida con boa saúde, a liberdade a xenerosidade e a ausencia de corrupción.
Finlandia aumenta a súa puntuación ano tras ano. A transformación do urbanismo finlandés axudou a que a cidadanía desenvolva un modo de vida saudable e seguro, o que afonda no tema da necesidade da promoción da saúde, un modelo que está estreitamente relacionado coa sustentabilidade e a conexión das persoas coa comunidade da que forma parte. É fundamental cultivar o sentimento de pertenza ao grupo e o orgullo de ser. Ademais, o país mais feliz do mundo conta cun sistema educativo público de alta calidade, un sistema de saúde punteiro e a conciencia de que o maior disolvente social atópase nas desigualdades. Neste senso, Finlandia é un dos países con menor desigualdade e aquel no que a fenda salarial entre homes e mulleres practicamente non existe. Os dereitos dos menores ao nacer configúranse de xeito que a corresponsabilidade e socialización da crianza son un feito. Sen esquecer o coidado e o mimo que prestan ao medio ambiente.
Semella que o segredo da felicidade está revelado e moitas das cuestións que se apuntan para a súa consecución forman parte da Axenda Urbana 2030 que se está a desenvolver en Compostela. O desenvolvemento sustentable debe acompañarse cun maior énfase no benestar. Cómpre, pois, avanzar nos eixos definidos para acadar unha maior felicidade.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local