{ tribuna }
Agricultura ecolóxica
A PASADA SEMANA o Foro Económico de Galicia presentou un informe sobre agricultura ecolóxica elaborado por Mar Pérez Fra, David Soto e Ibán Vázquez, ao abeiro da reunión que mantivemos hai xa uns meses na reunión anual que facemos en Casal de Armán para discutir asuntos relevantes para o mundo rural galego.
O informe está dispoñible no sitio web do Foro e, polo tanto, non me vou deter nos contidos concretos. O que vou facer é dar catro ideas sobre a importancia e as posibilidades que nos ofrece.
A primeira é que para nós apostar pola agrogandería ecolóxica é máis doado que para outros. Porque en moitos sitios non se fixo aínda a transición cara as fórmulas de produción intensiva e industriais. De feito, sabemos que unha parte do que hoxe facemos podería acadar de xeito doado a certificación de ecolóxica con axustes menores, o que mudaría significativamente estatísticas comparadas. Temos que pensar en como incentivar ese tránsito.
A segunda é que o ecolóxico encaixa perfectamente na imaxe de marca de Galicia como despensa de alimentos de alta calidade e evoca sentimentos que rematan beneficiando a outros sectores e empresas. O ecolóxico, o verde, o sostible son valores de importancia crecente nas vindeiras décadas.
A terceira é que hai un mercado en expansión de produtos ecolóxicos. Sabemos que esta produción é moito máis cara e, polo tanto, son produtos superiores. Iso leva de seu a necesidade de atinar nos procesos de distribución de reducións que non sempre van chegar a ter tamaño para construír marca diferenciada, como hoxe pode ter xa Casa Grande de Xanceda, por exemplo. As solucións cooperativas, o apoio intelixente da Xunta e o saber facer de empresas galegas como Gadisa, Froiz ou Grupo Cuevas son pezas fundamentais neste proceso.
A cuarta e derradeira é que a produción ecolóxica vencéllanos coa nosa historia e tradición, encaixa co noso xeito de ocupar o territorio, coa recuperación das aldeas modelo, coa posta en valor dun xeito de vivir que vai ir a máis no futuro. A volta ao pasado coas comodidades do presente é un luxo que cada día máis xente quere desfrutar. Temos os recursos para facelo.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local