Marilar Aleixandre e Laura Fernández inauguran o ciclo EscriturAs
O Consello da Cultura Galega reflexiona cunha perspectiva feminista sobre cambios culturais
![Cartel do programa](https://estaticos-cdn.prensaiberica.es/clip/42809edc-a618-4a8e-a77c-b4a4847ed46a_16-9-discover-aspect-ratio_default_0.jpg)
Cartel do programa / ECG
O Consello da Cultura Galega inaugura ás 18.00 horas desta tarde o ciclo EscriturAs, con Marilar Aleixandre e Laura Fernández, a través do que pretende reflexionar, desde unha perspectiva feminina e feminista, sobre os cambios experimentados nos discursos artísticos, xornalísticos e intelectuais durante os últimos anos.
Transgresoras e exitosas. De malas mulleres a señoras que non son Santa Claus é o título da sesión coa que o Centro de Documentación en Igualdade e Feminismos (CDIF) cita ás súas dúas primeiras convidadas para conversar arredor da posibilidade de lograr o éxito dende a disidencia. Inma López Silva modera e coordina esta actividade xunto con Rexina Rodríguez Vega. A cita é presencial, pero poderá seguirse en directo a través do web e as redes sociais da institución.
Marilar Alexandre, Premio Nacional de Narrativa 2022 pola súa obra As malas mulleres, e Laura Fernández, crítica literaria e musical, xornalista e autora, entre outras, da novela La señora Potter no es exactamente Santa Claus (2021), conversarán sobre se o éxito se pode lograr dende a disidencia.
Ademais,reflexionarán arredor do concepto do éxito aplicado a un espazo tan esvaradío e volátil como é o campo literario.
A renovación estética, a diversificación dos discursos ou o anovamento dos pensares experimentados nos discursos artísticos, xornalísticos e intelectuais durante os últimos anos só se poden explicar desde a aceptación da responsabilidade das mulleres intelectuais no xiro discursivo. Con EscriturAs, o Consello da Cultura galega busca abrir un espazo de reflexión e crítica arredor destes cambios.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local