O físico da USC Jorge Mira, recoñecido polo seu currículo como divulgador científico

O catedrático de Electromagnetismo da USC, Jorge Mira Pérez, ven de converterse no primeiro físico en ser galardoado co Premio da Confederación de Sociedades Científicas de España (COSCE) á difusión da Ciencia nos seus dezaseis anos de historia. Do profesor Mira, o xurado destacou o seu labor como director do programa ConCiencia no que teñen participado máis de corenta premios Nobel ou o seu equivalente en Matemática e Ciencias da Computación.