Aberto o prazo para solicitar subvencións destinadas ás asociacións de veciños
As axudas contan cun orzamento de 98.000 euros
![Xunta de goberno local celebrada este luns en Raxoi](https://estaticos-cdn.prensaiberica.es/clip/c78ce4ad-ad0b-4b5e-9d1b-8d8bcd3926aa_16-9-discover-aspect-ratio_default_0.jpg)
Xunta de goberno local celebrada este luns en Raxoi / Raxoi
A Xunta de Goberno Local aprobou este luns as bases da convocatoria de subvencións dirixidas ás asociacións veciñais de Santiago para o desenvolvemento de programas e actividades de interese xeral. Estas axudas contan cun orzamento de 98.000 euros. Tamén se deu luz verde a un convenio por importe de 60.000 euros coa Cociña Económica de Santiago e outros dous convenios por valor total de 30.000 euros co Club Triatlón Santiago e coa Federación Galega de Baloncesto. Poden acollerse a esta convocatoria todas as asociacións veciñais do municipio que figuren inscritas no Rexistro Municipal de Asociacións do Concello de Santiago con anterioridade á publicación no BOP desta convocatoria, teñan os seus datos actualizados e estean ao corrente das súas obrigas tributarias.
Segundo as bases, serán subvencionables os gastos correntes necesarios para o desenvolvemento de actividades e programas de interese xeral para a cidadanía durante o exercicio 2023. Gastos como a prestación de servizos de información, asesoramento, comunicación e divulgacion; de formación e ocio; de participación da cidadanía e apoio a outros colectivos do barrio (debates, asembleas, encontros); así como actividades sociais e outros gastos de funcionamento da entidade (administración, asesoramento, material derivado da covid, prensa, etc.). A contía máxima que se concederá a cada solicitude virá limitada pola puntuación que acade a entidade. O importe subvecionable será, como máximo, o 80% do orzamento de gastos que se detalle no formulario da solicitude, cun máximo subvencionable de 3.000 euros, ou 5.100 euros naqueles casos de entidades veciñais propietarias de equipamentos socioculturais. A presentación de solicitudes, que estarán dispoñibles na sede electrónica da web do Concello de Santiago, será de 10 días hábiles a contar desde o seguinte a publicación destas bases no BOP.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local