A organista Montserrat Torrent actúa con 96 anos en San Paio de Antealtares
O concerto desta veterana música e docente, é ás 20 horas de hoxe, de balde ata encher as localidades
![Montserrat Torrent / A. Bofill](https://estaticos-cdn.prensaiberica.es/clip/812fbf68-2b38-4d03-a8b6-2b59ebaf5e7a_16-9-aspect-ratio_default_1239711.jpg)
Montserrat Torrent / A. Bofill / Redacción
Redacción
O mosteiro de San Paio de Antealtares acolle hoxe ás 20 horas o concerto executado pola organista máis veterana do mundo, a catalana Montserrat Torrent, nada en Barcelona en 1926, dentro do ciclo Música en Compostela. Esta profesora emérita e Premio Nacional de Música en 2021 iniciouse na música da man do mestre Enrique Granados, instrutor tamén da nai da organista, Ángela Serra. Agora San Paio recibe a súa música, nun evento de balde con entrada libre até completar a capacidade do local.
Montserrat Torrent fundou en 1962 a asociación Amics de l’Orgue (Amigos do Órgano), unha entidade cuxo obxectivo foi o de divulgar a música executada con este instrumento e ao mesmo tempo promover a conservación de órganos históricos. Alén disto, Torrent colaborou con Ars Musicae, grupo barcelonés dedicado á interpretación a través de criterios históricos.
O traballo pioneiro de Montserrat Torrent non quedou aí e, na década dos anos setenta, foi unha das impulsoras da renovación do órgano, naquela altura en decadencia a causa da situación de posguerra. Nese momento, tocar o órgano sendo muller “significaba nadar a contracorrente”, din dende a súa contorna.
Agora, con 97 anos, o resultado da súa acción, o seu legado “é enorme” e son innumerables os órganos que tocou ou os discípulos e discípulas aos que formou.
A Cruz de Sant Jordi ou o doutorado Honoris causa son outros dos recoñecementos desta veterana organista que logo de Compostela tamén visitará Basilea (Suíza) e Carnac (Francia), durante o mes de agosto; Vilafranca del Penedès e Getafe en outubro; e Grottaglie (Italia), no mes de novembro, ademais de ofrecer en setembro unha clase maxistral no Meso da Música de Barcelona.
A Fundación
Montserrat Torrent dálle nome a unha fundación dedicada á súa figura e ao seu labor como música e como recuperadora de órganos históricos. Un destes instrumentos, e proxecto estrela da fundación, foi a reconstrución do órgano da igrexa San Felipe Neri, de Barcelona, que foi destruído durante a Guerra Civil española. Un instrumento recuperado en parte durante 2021 e por completo en 2022 e que leva o nome de Montserrat Torrent, en recoñecemento do padroado da fundación ao labor desta docente, conservadora e artista.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local