Raxoi adxudica as obras para mellorar a accesibilidade en Pontepedriña por 145.200 euros
Tamén se asinaron dous convenios: co Centro Comercial Área Central e coa Asociación de Artesáns e Comerciantes Ourives de Compostela
![Imaxe aérea do barrio de Pontepedriña e do ámbito de actuación](https://estaticos-cdn.prensaiberica.es/clip/da495012-3c44-49e0-9382-6bed652c2dc2_16-9-discover-aspect-ratio_default_0.jpg)
Imaxe aérea do barrio de Pontepedriña e do ámbito de actuación / Raxoi
ECG
A Xunta de Goberno local, reunida en sesión extraordinaria, acordou este venres a adxudicación do contrato para a execución das obras do proxecto "mellora da accesibilidade ao barrio de Pontepedriña á empresa ÁREA PROYECCIÓN, CONSTRUCCIÓN Y SERVICIOS SLU por un importe de 145.200,00€.
O proxecto "mellora da accesibilidade ao barrio de Pontepedriña", permitirá a construción de dous pasos sobre o río Sar, a pavimentación e axardinamento da zona con criterios de sostibilidade e a eliminación de barreiras arquitectónicas.
Enmarcada na Estratexia de Desenvolvemento Urbano Sostible e Integrado de Santiago, cofinanciada polo Fondo Europeo de Desenvolvmento Rexional da Unión Europea, este proxecto creará percorridos que conecten o barrio co tecido urbano e xerará ou mellorarán espazos. Así, a actuación pretende mellorar a accesibilidade e a conectividade da zona con outros barrios da cidade con ese novo paso sobre o río que favorecerá a existencia dun percorrido transversal interno, creando novos itinerarios que terán continuidade no Ensanche e outras sendas como a de Sar.
Comercio
Co obxectivo de fomentar e fortalecer o tecido comercial do municipio, a Xunta de Goberno tamén deu luz verde esta mañá a dous convenios de colaboración con entidades locais do ámbito. Por unha banda, apoiará con 35.000 euros ao Centro Comercial Área Central para o desenvolvemento dun programa actividades que contribúan á dinamización comercial do barrio de Fontiñas e do conxunto da cidade, especialmente de cara ao Nadal.
Por outra banda, o Concello tamén asinará un convenio de colaboración por un importe de 20.220 euros coa Asociación de Artesáns e Comerciantes Ourives de Compostela, para a creación e promoción da marca de produto "Ourives de Compostela", por tratarse a ourivería e pratería de dous gremios ascentrais de Compostela cuxa historia discorre paralela tanto da tradición xacobea como da propia cidade.
Rehabilitación de vivendas
O executivo municipal tamén deu luz verde á concesión de subvencións por un valor total de 50.788,06 euros para a rehabilitación de vivendas na cidade histórica, declarada Área de Rehabilitación Integral (ARI) por motivos de interese arquitectónico, cultural ou social. En concreto, este partida destinarase á rehabilitación de catro vivendas sitas nas rúas do Sar, Campo do Cruceiro do Gaio, Basquiños e Calzada do Carme de Abaixo.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local