Rosón acusa a Sanmartín de apostar polo proxecto de derrubo que deseñou para a Casa da Xuventude o seu edil de Urbanismo
Tamén interpela á tenente de alcaldesa, María Rozas, reclamando unha xustificación polo seu “cambio de parecer”
REDACCIÓN
“A golpe de comparecencia plenaria”, os socialistas reclamarán explicacións ao bipartito sobre o futuro da Casa da Xuventude, logo de que tamén, desde o asociacionismo veciñal, pedisen detalles da proposta de reforma que a Deputación da Coruña proxectaba sobre o inmoble, como recolleu onte EL CORREO. Todo, despois de que a alcaldesa anunciase que renunciaba á subvención da entidade provincial de máis de un millón de euros para acometer esa reforma “que como sabe Sanmartín, mudaría completamente a imaxe do inmoble integrándoo na contorna do Matadoiro”, asegurou a concelleira do PSdeG Mercedes Rosón.
Tamén interpela á tenente de alcaldesa, María Rozas, reclamando unha xustificación polo seu “cambio de parecer” despois de “asegurar en campaña que se tiñan responsabilidade de goberno nunca tirarían a Casa”. Un “incumprimento da palabra dada” por parte de Rozas que Rosón, critica, “é máis grave aínda” cando “esa promesa a fixo mirándolle aos ollos a persoas dos colectivos sociais que tiñan neste equipamento público o seu espazo para desenvolver actividades”. Desde as filas socialistas acusan ao bipartito de “negarlle á veciñanza compostelá un debate con todas as opcións enriba da mesa”, criticando o “ocultismo e o secretismo” que “de novo” aplicou sobre esta cuestión a alcaldesa: “Non se quixo ensinar o anteproxecto que a Deputación da Coruña lle trasladou ao Concello, seguramente porque alguén podería quedar sorprendido co resultado trala reforma”.
Explica que o proxecto de rehabilitación contempla unha redución na altura da casa, así como unha aposta por materiais neutros e madeira “que faría o edificio máis amigable co lugar no que se atopa”, ademais de incorporar un acceso directo ao parque de Belvís.
“A prioridade de Sanmartín era cumprir co seu concelleiro”, denuncia Mercedes Rosón que, recorda, o proxecto de derribo da alcaldesa fora deseñado por Iago Lestegás, actual responsable da área de Urbanismo: “Pediremos detalles de por que se renuncia a unha subvención de máis de un millón de euros e por que se quere tirar un equipamento público”, insiste Mercedes Rosón.
A asociación de veciños A Xuntanza reclama ao Concello de Santiago que ofreza todos os detalles sobre as propostas de derrubo e rehabilitación da Casa da Xuventude. En conversación con este medio, a presidenta da entidade, Mon Vilar, sinalou que a decisión sobre o edificio non se pode limitar “a un criterio estético”. Por mor das imaxes virtuais publicadas recentemente por este diario, integradas no anteproxecto presentado pola Deputación, A Xuntanza sinala que “demóstrase que é posible unha reforma que faga da Casa da Xuventude un edificio máis amigable coa contorna, aínda que en ningún caso a estética poida ser razón para unha intervención, como tirar ou manter ou inmoble, nunha zona tan sensible”.
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Así es el impresionante palacete que recuerda a Downton Abbey: a la venta en Santiago de Compostela
- Detenido un joven en un piso de Santiago tras intervenirle cinco kilos de hachís y un centenar de pastillas
- Inauguran la sede que albergará las dependencias de Tráfico mientras se reforma el cuartel de Santiago