De Tanxugueiras a Touriñán: entre os referentes no uso do galego según Alingua

A Asociación de Entidades Locais pola Lingua Galega, Alingua, vén de lanzar o seu Catálogo de referentes, que integran figuras como as Tanxugueiras, Grande Amore, Touriñán ou Luís Davila.

Así suena el nuevo bombazo de Tanxugueiras junto a Juancho Marqués

Entendido como un compendio en permanente medra, en devandito catálogo recóllense figuras destacadas de diferentes ámbitos sociais e culturais que desenvolven o seu día a día en galego, así coma a súa traxectoria profesional.

Así, o obxectivo deste catálogo é visibilizar os usos reais da lingua en ámbitos diversos e de prestixio e de achegar referentes que conecten coa mocidade.

Xunto ao catálogo, Alingua tamén presenta unha guía didáctica e a Cartografía sensorial, un espazo virtual de paisaxes sonoras e visuais dos concellos que conforman a entidade.

A guía dixital, que pode descargarse a través desta ligazón, recolle máis de corenta figuras clasificadas en doce grandes áreas: comunicación, deporte, artes escénicas e cinema, cómic e ilustración, artes plásticas, moda e artesanía, ciencia, música, literatura, gastronomía, activismo e novas tecnoloxías.

De Tanxugueiras a Touriñán

Entre os referentes, Alingua destaca a intérpretes como María Vázquez, Xosé A. Touriñán ou as integrantes da compañía teatral A Panadaría, ilustradores como Luís Davila, as voces de Tanxugueiras, Mondra, Grande Amore ou Fillas de Cassandra e as sinaturas literarias de Ledicia Costas, Antía Yáñez ou Ismael Ramos.

Para completar o ámbito da creación artística, tamén se recollen as figuras de creadoras plásticas como son a pintora Aroa Outón, a fotógrafa e deseñadora Zeltia Iglesias Rodríguez ou a muralista Nana.

La juventud y el germen del éxito de la música gallega

O Catálogo de referentes tamén inclúe a personalidades da ciencia como Iria Veiga, Sonia Villapol ou Xacobe de Toro; do deporte Sechu López e Rocío García Eiras; da gastronomía como Lucía Freitas e Javi Olleros e da comunicación como Rodri Míguez, Mario Brión, María Rúa ou Esther Estévez.

Completan o catálogo nomes das novas tecnoloxías como Iago Gordillo, Javi Boquete ou Verónica Boló; e do activismo, representado pola performer Meiga-I, a sindicalista Isabel Vilalba e as escritoras María Reimóndez e Nee Barros, tamén presentes no apartado literario pola súa obra.

Guía didáctica para o alumnado

Xunto ao Catálogo de referentes, Alingua lanza a guía didáctica É túa. Pásaa!, que inclúe actividades multidisciplinares que, de forma transversal, se centran nos diferentes ámbitos nos que se clasifican os referentes.

Así preténdese achegar ao alumnado a relevancia destas figuras que utilizan a lingua galega na súa vida cotiá e tamén nas súas creacións, investigacións, proxectos e reivindicacións.

Ademais da guía, Alingua enviará aos centros de ensino dos municipios adheridos un cartel impreso para traballar e ampliar dende o colectivo os propios referentes do alumnado.

Na presentación desta iniciativa participou a alcaldesa de Santiago, Goretti Sanmartín.

Xunto a Compostela, Alingua está conformada porlos concellos da Baña, Ames, A Coruña, Betanzos, Carballo, Cedeira, Ferrol, Moaña, Narón, O Grove, Ponteceso, Pontevedra, Redondela, Ribadeo, Rianxo, Rois, Teo e Vilagarcía da Arousa. A Deputación de Pontevedra súmase a esta entidade como integrante amiga.