Pesar pola morte repentina de Lola Ferreiro, recoñecida psiquiatra e feminista
Nos seus traballos, denunciou a visión androcéntrica da medicina, destacando as disparidades no diagnóstico de doenzas entre homes e mulleres
Na tarde deste luns, o feminismo galego perdía unha de súas voces máis prominentes co falecemento repentino da médica e psiquiatra Lola Ferreiro. Formada en Medicina e Cirurxía pola Universidade de Santiago de Compostela, con especialización en Psiquiatría, Ferreiro destacou como unha figura central no activismo feminista en Galicia, cofundadora da Asociación Galega de Mulleres (AGM).
Os seus restos estarán no tanatorio desde as tres da tarde deste mércores, 13 de decembro, onde ás 18.30 h se celebra un acto civil organizado polas compañeiras de Compostela. A continuación, serán incinerados na intimidade familiar. As súas cinsas depositaranse no panteón familiar o xoves, 14 de decembro, ás cinco da tarde, no cemiterio municipal de Piñeiro, en Ordes.
Visión androcéntrica da medicina
Ferreiro foi unha defensora incansable da coeducación afectivo-emocional e sexual. A súa dedicación a esa causa levouna a actuar como catedrática de Procesos Sanitarios no IES Lamas de Abade, en Santiago de Compostela, onde deixou unha pegada significativa.
Alén das súas contribucións académicas, Ferreiro desenvolveu un extenso corpo teórico sobre saúde cunha perspectiva de xénero transversal. Este traballo incluíu o deseño de programas de educación para a saúde, nos que denunciou a visión androcéntrica da medicina, destacando as disparidades no diagnóstico de doenzas entre homes e mulleres.
Integrante activa da Asociación Galega de Saúde Mental, a súa tese de doutoramento versou sobre “Saúde Mental e Delincuencia en Adolescentes” (setembro de 1991) e concentrou seus estudos na psiquiatría infantil e xuvenil, abordando temas como a conduta antisocial, o consumo de alcol e outras drogas, riscos da privación de liberdade e ideas suicidas. O seu interese estendeuse ás relacións afectivas, educación para a saúde e saúde de xénero.
Como activista, Ferreiro defendeu o dereito ao aborto na saúde pública e participou da Marcha Mundial das Mulleres. O seu labor tamén abrangueu dereitos reprodutivos, doenzas de transmisión sexual e diversas formas de violencia machista.
O seu falecemento causou conmoción no movemento feminista galego e na cidade. A alcaldesa, Goretti Sanmartín, destacou a xenerosidade, enerxía e capacidade de empoderamento de Ferreiro, mentres a voceira do BNG, Ana Pontón, recordou súa determinación e alegría.
O impacto da súa perda foi sentido por moitas voces do feminismo galego, incluíndo Marga do Val, Lupe Ces ou Ana Luisa Bouza e de organizacións como o Sindicato Labrego Galego, o Colexio de Educadoras e Educadores Sociais de Galicia (CEESG) ou o Movemento Galego da Saúde Mental que expresaron o seu pesar nas redes sociais. A memoria de Lola Ferreiro permanecerá como un faro no camiño da igualdade e a xustiza de xénero en Galicia.
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Así es el impresionante palacete que recuerda a Downton Abbey: a la venta en Santiago de Compostela
- El informe municipal sobre la actuación de la Panorama en el Obradoiro es negativo: ¿Habrá cambio de escenario?
- Detenido un joven en un piso de Santiago tras intervenirle cinco kilos de hachís y un centenar de pastillas