O Concello pón na mesa a parcela do CiMUS como solución provisional ao párking do CHUS
A Xunta de Goberno aprobou tamén a licenza para un aparcamento provisorio na Travesía da Choupana
Agardan fixar estes días a data para reunirse de novo coa Xunta
![Os problemas de aparcamento no CHUS agraváronse coas obras do centro de Protonterapia](https://estaticos-cdn.prensaiberica.es/clip/83169a45-3945-4a08-8224-2c805f5d79d8_16-9-discover-aspect-ratio_default_0.jpg)
Os problemas de aparcamento no CHUS agraváronse coas obras do centro de Protonterapia / Jesús Prieto
“Cremos que a solución que propuxo a Corporación local á Xunta, á beira do CiMUS para que alí se poida facer un aparcamento provisional mentres se pensa nalgo a medio prazo é factible e pode servir para aliviar a situación actual”. Así se refería onte a alcaldesa de Santiago, Goretti Sanmartín, ao ser preguntanda en rolda de prensa pola problemática de mobilidade e aparcamento na contorna do Hospital Clínico (CHUS), que se agrava co inicio das obras de ampliación do hospital e do novo centro de Protonterapia.
“Os problemas de aparcamento son unha realidade que padece a poboación que ten que vir ao hospital”, recoñecía Sanmartín, que afirmaba que o Goberno local propón “reforzar o transporte de autobuses nos lugares onde a Xunta diga que ten persoal traballador do Sergas residente en Santiago”. Nesta dirección afirmou que o executivo segue a traballar “no que ten que ver con rematar os accesos pero o tema urxente e prioritario é conseguir que haxa de maneira provisional ou definitiva un aparcadoiro na contorna”.
A alcaldesa insistiu en lembrar, sobre este punto, que “a maioría da Corporación” dixo que iso o ten que facer a Xunta pero puxemos enriba da mesa unha parcela e modificacións para ampliación do hospital”. Segundo a rexedora, o informe solicitado pola Xunta sobre estas modificacións está xa na súa fase final e trátase dun documento que recolle propostas “de transporte, mobilidade e urbanismo moi desenvolvidas, na vía de colaboración do Concello” para resolver esta problemática “no curto e no medio prazo”.
Sanmartín adiantou que agarda que nos próximos días se poida poñer xa data á xuntanza do Goberno local coas consellarías de Sanidade e de Infraestruturas. Unha reunión “na que entendo que non debe interferir para nada a campaña electoral”, indicou a alcaldesa.
Na mesma comparecencia anunciouse a aprobación da Xunta de Goberno da licenza de aparcadoiro provisorio na Travesía da Choupana. Un estacionamento que levará a cabo a Xunta a petición da empresa que realiza a ampliación do CHUS e que contará con 140 prazas que, “segundo trasladou o Sergas no seu momento, está pensado para que poida estacionar o persoal traballador do Hospital Clínico”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local