Santiago
O programa de conciliación de verán de Santiago pecha o prazo de inscrición o próximo mércores
A proposta está dirixida a nenos de entre tres e doce anos
Consta de seis quendas entre a última semana de xuño e a primeira de setembro
![Unha das actividades realizadas no espazo de lecer María Miramontes de Santiago](https://estaticos-cdn.prensaiberica.es/clip/f8167676-341b-4984-9392-2ab85e2d61db_16-9-discover-aspect-ratio_default_0.jpg)
Unha das actividades realizadas no espazo de lecer María Miramontes de Santiago / Cedida
O próximo mércores, 24 de abril, pecha o prazo para inscribirse no programa de conciliación de verán do Concello de Santiago Vacaludos, que se desenvolverá no Espazo Educativo e de Lecer María Miramontes (Ludoteca das Fontiñas) entre os meses de xuño e setembro. Dende o pasado día 15, as familias con crianzas de entre tres e doce anos poden presentar as súas solicitudes.
O programa dividirase en seis quendas: a primeira, do 24 ao 28 de xuño; a segunda, do 1 ao 12 de xullo; a terceira, do 15 ao 31 de xullo; a cuarta, do 1 ao 14 de agosto; a quinta, do 19 ao 30 de agosto; e a sexta, do 2 ao 10 de setembro.
Asignación de prazas
As prazas están destinadas aos nenos empadroados ou que estean matriculados nun centro de ensino no municipio de Santiago. O centro dispón dun total de 73 prazas autorizadas pola secretaría técnica de Politica Social da Xunta de Galicia. Aqueles que non estean dados de alta no servizo, poden facelo a través desta ligazón. Unha vez formalizada a solicitude, as familias poderán facer un seguemento do estado da mesma.
O próximo 10 de maio publicaranse as listaxes das persoas admitidas, que terán un prazo de sete días naturais para confirmar a súa asistencia. No caso de que existan máis solicitudes que prazas dispoñibles para algunha das quendas, o centro seguirá uns criterios de prioridade para asignalas. Ademais, as condicións do programa establecen que as persoas usuarias poderán desfrutar dun máximo dunha quenda, a non ser que haxa prazas dispoñibles noutras.
Certificado de emprego
O Concello indica que durante todo o ano, este equipamento está pensado para responder ás necesidades de conciliación das familias. É por iso que o acceso aos seus servizos debe priorizar a aquelas que traballen ou que estean en tránsito do traballo a casa no horario de apertura do centro.
Polo tanto, é imprescindible que as familias acrediten as circunstancias laborais nas quendas solicitadas. Así, para a participación no programa é obrigatorio entregar a través do formulario de solicitude un certificado de emprego no que indique que nas quendas solicitadas se está traballando no horario de funcionamento do programa.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local