O programa de hoxe
Cheo absoluto no Obradoiro coa Panorama: comezan as Festas da Ascensión
A programación deste ano prolongarase até o domingo 12 de maio con concertos na Quintana e na Alameda, xornadas de folclore, competición de drons no Campus Sur, cabezudos e a tradicional Feira Cabalar en Amio
![Actuación de la orquesta Panorama en el Obradoiro](https://estaticos-cdn.prensaiberica.es/clip/1ffba645-8ff1-40ae-a04b-68de1d742caa_16-9-discover-aspect-ratio_default_0.jpg)
Actuación de la orquesta Panorama en el Obradoiro / Antonio Hernández
A pesar da polémica xerada polas limitacións de asistencia e decibelios da orquestra Panorama e do “solapamento” programático denunciado polo Partido Popular local, as rúas da cidade histórica enchéronse de composteláns, veciños darredor, turistas e peregrinos que se achegaron á praza da Quintana para asistir ao concerto Santiago 40 Pop -que comezou ás 21 horas e contou coa presenza da banda galega Lontreira- e mais á praza do Obradoiro para gozar co evento máis esperado e comentado da programación da Ascensión, o concerto da Panorama.
Xente de todas as idades ateigou a principal praza da cidade para festexar as súas festas máis grandes ao ritmo dunha das orquestras máis importantes do país, que xa integrou tamén o ano pasado o programa das Festas da Ascensión, e que neste 2024 deleitou os seus fans con dúas horas e media de espectáculo.
![A Quintana acolleu o primeiro concerto da Ascensión, Santiago 40 Pop](https://estaticos-cdn.prensaiberica.es/clip/3c1b160e-bccb-4bb4-9326-2b919d584074_alta-libre-aspect-ratio_default_0.jpg)
A Quintana acolleu o primeiro concerto da Ascensión, Santiago 40 Pop / Antonio Hernández
Os escenarios xa estaban montados dende a tarde do martes, pero dende as 18 horas o equipo da TVG, que gravou a actuación da orquestra para transmitila a través de agalega.com, xa comezaba coa montaxe técnica: sete cámaras, unha cabeza quente e un travelling foron os elementos empregados para gravar o evento. Un concerto que soou nos comprometidos 90 decibelios, 30 por debaixo dos habituais 120, e para o que se restrinxiu o acceso a 8.000 persoas.
A intencionalidade do Goberno local é, segundo explicaba días atrás a concelleira de Capital Cultural, Míriam Louzao, “que a veciñanza goce das festas” ao tempo que se vela polo “coidado do patrimonio”. Para iso, equipos de seguridade controlaron o acceso ao Obradoiro e, como acontece noutros eventos multitudinarios, contrólouse o contido das mochilas e bolsas dos asistentes.
![Ambiente de festa no Obradoiro nos instantes previos ao inicio do concerto da Panorama](https://estaticos-cdn.prensaiberica.es/clip/97fa1944-ff7f-4999-bd08-1c734faa7122_alta-libre-aspect-ratio_default_0.jpg)
Ambiente de festa no Obradoiro nos instantes previos ao inicio do concerto da Panorama / Antonio Hernández
A programación de hoxe, Día da Ascensión, está cargada de eventos, con tres dos acontecementos máis tradicionais das festas máis picheleiras: a comparsa dos Cabezudos polas Arúas da cidade histórica, as actuacións das agrupacións folclóricas e a Feira Cabalar en Amio.
O desfile dos Cabezudos vai dar inicio ás 12.30 horas na rúa Nova. Pola tarde, a partir das 18 horas, a tradición e folclore ateigarán de xente as prazas de Santo Agostiño, Toural, Cervantes e Obradoiro coas músicas e os bailes das distintas agrupacións da cidade, que ademais, ás 20 horas, protagonizarán unha actuación conxunta na praza das Praterías.
Tamén vai haber monicreques e visitas teatralizadas pola ‘ruta de Valle Inclán’ en Compostela, ademais do concerto de Fillas de Cassandra ás 21h. na Quintana e a orquestra Função Públika ás 22h. no Obradoiro.
Suscríbete para seguir leyendo
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local