A Festa do Banquete de Conxo celebra este domingo o seu día grande con representacións teatrais, música e xantar popular
A xornada comezará ás 11:00 horas dende a praza do Toural co desfile teatral "Alá van estudantes e artesás", que percorrerá as rúas compostelás
![Imaxe do xantar do pasado ano](https://estaticos-cdn.prensaiberica.es/clip/e97710b9-299b-440b-a88f-60b3a398c499_16-9-discover-aspect-ratio_default_0.jpg)
Imaxe do xantar do pasado ano / Concello
El Correo Gallego
Mañá, domingo 26 de maio, a Festa do Banquete de Conxo celebra o seu o día grande cunha romaría popular amenizada por distintas actuacións musicais. O Concello de Santiago convidou, a través de súa páxina web, a toda a cidadanía a asistir aos desfiles e representacións teatrais e a unirse á romaría popular traendo da casa a súa propia comida e bebida ou acudindo ás carpas das polbeiras que estarán instaladas na carballeira. Ademáis sinalan que todas as persoas que o desexen, poden vir vestidas para a ocasión.
A partir das 11:00 h arrancará desde a praza do Toural o desfile teatral "Alá van estudantes e artesás" que percorrerá as rúas compostelás ata chegar a Conxo. Está dirixido Os Quinquilláns e tamén participan as Brigadas Teatrais de Catoira, As Superactivas do CSC de Santa Marta, Teatro do Muíño (Laraño), Teatro do Solpor (Vite), Clube Mozo e veciñanza activa do CSC Aurelio Aguirre de Conxo, Teatro Mediogüevo, Asociación Aspas, Mercedes Espiño, Música de rúa Os farrapos, Coro A oliveira, Grupo de teatro da Casa da Muller do Couto. O acompañamento musical farao Luís "O Caruncho".
![Asistente vestido para a ocasión na festa do ano pasado](https://estaticos-cdn.prensaiberica.es/clip/87a18d54-2eaa-490e-b258-bfaaec3d42ee_alta-libre-aspect-ratio_default_0.jpg)
Asistente vestido para a ocasión na festa do ano pasado / Jesús Prieto
Ás 12:45 h será o pregón da Festa do Banquete a cargo de María Luísa López Otero, autora da tese "Santa María de Marrozos no século XVI: labradores e arrendatarios" na praza de Conxo. Ao remate, sobre as 13:00 horas, continuará o desfile teatral "Baixamos ao bosque do Banquete" ata a Carballeira de Conxo para facer a recreación teatral do Banquete de 1856 desde as 14:15 horas. Tamén se poderá facer uso do Fotocol que estará situado no Mosaico de Conxo entre as 14 e as 19 horas.
A partir das 15:00 h dará comezo o xantar e romaría popular, con brindes de veciñas e veciños na propia carballeira de Conxo, para dar paso ao Serán da Fraternidade, con foliada de música tradicional con Os Fondaos do Pífaro, Devagarinho de Villestro, Asociación de Música e Baile tradicional de Conxo, Grupo de cantos de taberna Contedores de Recandea, Muiñeiros do Sarela e Asociación Penamaior de Marrozos. A compañía Paporrubio tamén ofrecerá o espectáculo "Transhumancia Sonora" da compañía Paporrubio que levará ao bosque do Banquete os seus animais cabezudos, acompañados de música e xogos.
Para rematar o evento, arredor das 19:30h haberá unha despedida da Festa do Banquete 2024 con discursos de Os Quinquilláns e pregón de peche a cargo da cineasta Jaione Camborda.
![Mañá espérase unha gran asistencia á romería popular](https://estaticos-cdn.prensaiberica.es/clip/3eaa0b71-2815-4116-8100-ed2b2478bdbb_alta-libre-aspect-ratio_default_0.jpg)
Mañá espérase unha gran asistencia á romería popular / Jesús Prieto
Tren do Banquete de Conxo
Durante toda a xornada do domingo, veciños e visitantes poderán gozar dun percorrido especial e gratuíto do tren turístico, decorado para o ocasión con motivos da Festa do Banquete de Conxo.
Os traxectos, de ida e volta, terán como punto de partida a Alameda (parada Aurelio Aguirre) e chegarán á praza de Martín Herrera (parada Rosalía de Castro) no barrio de Conxo, con prioridade de acceso para as familias con nenos, as persoas con mobilidade reducida e persoas vestidas de época. Pódese consultar as horas de saída desde os dous puntos no programa.
![O Tren do Banquete estará en funcionamento sábado e domingo](https://estaticos-cdn.prensaiberica.es/clip/f7352ebd-c349-437f-9a22-ca6a4498dfa4_alta-libre-aspect-ratio_default_0.jpg)
O Tren do Banquete estará en funcionamento sábado e domingo / Concello
5º Mercado do Libro
A praza de Aurelio Aguirre acollerá tamén durante o domingo o 5º Mercado do Libro que contará coa participación de 16 postos de libreiros, editoriais e ilustradoras vinculadas ao libro, así como unha mostra de oficios tradicionais, coa exhibición en vivo do traballo de artesáns de diferentes oficios tradicionais tales como a forxa, cerámica e cestería.
Ás 20:30 horas celebrarase unha gran chocolatada na praza Aurelio Aguirre e un concerto do Sonoro Maxín que servirá de peche do Mercado do Libro.
I Certame fotográfico
Este ano, o Concello lanza a primeira edición do certame fotográfico do Banquete de Conxo, no que poderá participar calquera persoa maior de 18 anos. Trátase dunha iniciativa que pretende fomentar a creatividade, e poñer en valor a propia Festa do Banquete a través da fotografía. Para participar neste certame, as persoas interesadas poderán presentar as súas mellores fotografías vinculadas á celebración desde o 27 ata o 31 de maio. As imaxes gañadoras recibirán diferentes agasallos, como unha cámara de acción deportiva, unha cámara instantánea ou libros de fotografía.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local