Festa a esgalla na carballeira da Festa do Banquete de Conxo coa celebración da romaría popular
Os brindes de veciñas e veciños acompañaron á foliada de música tradicional
A encargada do pregón de este ano foi María Luísa López Otero
![Día grande da Festa do Banquete de Conxo](https://estaticos-cdn.prensaiberica.es/clip/ba0723f5-b86d-417d-9bd0-c0778d8dfe79_16-9-discover-aspect-ratio_default_0.jpg)
Día grande da Festa do Banquete de Conxo / Jesús Prieto
El Correo Gallego
Un ano máis, o día grande da Festa do Banquete de Conxo foi todo un éxito de participación en Santiago. O Concello de Santiago convidaba onte a través de súa páxina web, a toda a cidadanía a asistir aos desfiles e representacións teatrais e a unirse á romaría popular traendo da casa a súa propia comida e bebida ou acudindo ás carpas das polbeiras que están instaladas na carballeira. Ademáis, animaron a todas as persoas que quiseran, a acudir o evento vestidas de época para a ocasión.
A partir das 11:00 h arrancou desde a praza do Toural o desfile teatral "Alá van estudantes e artesás" que percorreu as rúas compostelás ata chegar a Conxo. Dirixido por Os Quinquilláns, tamén participan as Brigadas Teatrais de Catoira, As Superactivas do CSC de Santa Marta, Teatro do Muíño (Laraño), Teatro do Solpor (Vite), Clube Mozo e veciñanza activa do CSC Aurelio Aguirre de Conxo, Teatro Mediogüevo, Asociación Aspas, Mercedes Espiño, Música de rúa Os farrapos, Coro A oliveira, Grupo de teatro da Casa da Muller do Couto. O acompañamento musical fíxoo Luís "O Caruncho".
Ás 12:45 h foi o pregón da Festa do Banquete, do que este ano se encargou María Luísa López Otero, autora da tese "Santa María de Marrozos no século XVI: labradores e arrendatarios" na praza de Conxo. Ao remate, sobre as 13:00 horas, continuou o desfile teatral "Baixamos ao bosque do Banquete" ata a Carballeira de Conxo para facer a recreación teatral do Banquete de 1856. A organización instalou tamén un Fotocol que está situado no Mosaico de Conxo entre as 14 e as 19 horas.
![Banquete de Conxo 1856, representación teatral](https://estaticos-cdn.prensaiberica.es/clip/84aa244a-475c-4c15-91c9-4223b6cad12e_16-9-aspect-ratio_default_0.jpg)
Jesús Prieto
A partir das 15:00 h deu comezo o xantar e romaría popular, con brindes de veciñas e veciños na propia carballeira de Conxo, que dará paso ao Serán da Fraternidade, con foliada de música tradicional con Os Fondaos do Pífaro, Devagarinho de Villestro, Asociación de Música e Baile tradicional de Conxo, Grupo de cantos de taberna Contedores de Recandea, Muiñeiros do Sarela e Asociación Penamaior de Marrozos. A compañía Paporrubio tamén actúa co espectáculo "Transhumancia Sonora" da compañía Paporrubio que levará ao bosque do Banquete os seus animais cabezudos, acompañados de música e xogos.
Para rematar o evento, arredor das 19:30h houbo unha despedida da Festa do Banquete 2024 con discursos de Os Quinquilláns e pregón de peche a cargo da cineasta Jaione Camborda.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local