Un proxecto analiza os riscos do radon sobre a sociedade
REDACCIÓN
Ata o 2024 a profesora Berta García Orosa, investigadora do Grupos Novos Medios da Facultade de Ciencias da Comunicación da USC, liderará o proxecto Radon en España: percepción da opinión pública, axenda mediática e comunicación do risco, financiado polo Consello de Seguridade Nuclear (CSN). O equipo investigador encargarase de analizar a percepción pública do radon en España para propoñer accións de comunicación dirixidas a diferentes sectores da sociedade, especialmente nas comunidades autónomas con maior incidencia como é o caso de Galicia (70 %), a comunidade con maior superficie afectada de España.
Trátase dun proxecto que ten un enfoque holístico e asemade é a proposta que quedou en primeira posición na convocatoria pública que realizou o CSN.
Dende 1998 a OMS cualifica o radon como un elemento canceríxeno cando se produce exposición a niveis altos en interiores e propón métodos para previr e reducir a súa concentración. “Aínda que nos últimos anos mellorou a concienciación por parte da cidadanía, segue sendo necesario un traballo más profundo, tal e como recolle a Directiva Europea 2013/59/Euratom”, sinalan dende Novos Medios.
O interese deste proxecto radica precisamente no desenvolvemento de accións de comunicación que permitan á sociedade coñecer os riscos da exposición ao radon. Así, por exemplo, “as redes sociais veñen considerándose dende hai un tempo espazos útiles para a difusión de información sanitaria porque axudan á detección e prevención de enfermidades e favorecen cambios de conducta e comportamento”, explican.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- Un hotel de Santiago se cuela entre los mejores de España al ganar la nueva distinción de la Guía Michelin
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Deja tu vitrocerámica como nueva con dos productos que siempre tenemos en casa
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Acciona se asocia con Nissan para la distribución en Europa de su nuevo nanocar Silence S04
- SOS de las inmobiliarias y clientes: ya no queda vivienda para alquilar o vender en la localidad de O Milladoiro