Entrevista | Janet Novás Premio á mellor actriz revelación
“A película invita a esa crudeza e esa beleza da vida”
Janet Novás conseguiu o Goya polo seu papel en O Corno, a película de Jaione Camborda que trata sobre a sororidade, que a bailarina considera “un impulso vital” e o xeito que tiñan as mulleres dunha época, na que había que aguantar moito, de atravesar a vida “non para que fora máis lixeira, senón menos pesada”.
Como se sente un día despois de recoller o Goya á mellor actriz revelación?
Moi emocionada, evidentemente. Estou moi contenta polo recoñecemento ao meu traballo e á película. E moi agradecida tamén polo cariño que estou recibindo da xente.
Cando dixeron o seu nome, treméronlle as pernas ou xa está afeita?
Este tipo de galas e o mundo do cinema ten moitísima exposición, son moitos estímulos moi fortes en moi pouco tempo e, evidentemente, ten un impacto no corpo. Hai que ir xestionándoo pouco a pouco, pero foi moi bonito.
Vostede vén da danza. Resultou moi difícil interpretar ou a danza facilita as cousas?
Non sabería dicir como é doutra maneira se non bailas porque como levo bailando toda a vida non me podo poñer noutro lugar. Jaione (Camborda, a directora) chamoume a min por ese motivo, porque era unha personaxe física e ela precisaba buscar un corpo que xa tivera un achegamento con esa característica.
Como chegou á súa personaxe, María?
Foi un traballo de moita conversa con Jaione, de ir coñecéndonos, ela coñecéndome a min, eu de ir coñecendo a personaxe falando con Jaione, ela entendendo como podía dirixirme para achegarme ao que ela quería. E foi así como, compartindo, e eu ofrecéndolle propostas e, pouco a pouco, foi aparecendo María... a traves tamén do traballo coas mariscadoras... o que eu fun facendo de memoria co corpo… e de observar... Vaise pulindo día a día, pouco a pouco, vai aparecendo un tono da voz, unha maneira de camiñar. É unha película que che invita ao detalle, o íntimo.
Custoulle moito dedicirse a facer a película?
Non.
E agora, apetécelle seguir na interpretación?
Se saen oportunidades, por suposto. Como digo eu, entrei no mundo do cine a través de Jaione e para min a experiencia con ela foi marabillosa. Se sempre é así ou parecido, eu asino onde faga falta.
A película xira arredor da sorodidade e dedicoulle o premio ás avoas. Cre que as avoas, ou as mulleres desa época, aínda que non coñecían a palabra, si a practicaban?
Por suposto. É un impulso vital. E máis antes, cando había que calar certas cousas, non podían expresar moitos pensamentos. Tiñan que aguantar. Incluso ás veces utilizaban o humor. Foi un pouco como o vivín. Ían buscando maneiras de atravesar a vida non para que fora máis lixeira, senón menos pesada. E penso que unha desas maneiras era a sororidade. Pero que non tiña que ver con levarse ben ou mal. De feito aparece na película, coa rapaza portuguesa, que axuda a María pero tampouco hai unha relación de grande amizade. É unha cuestión de axuda, algo vital, que ten que ser así. A película de Jaione invita a esa crudeza e esa beleza da vida. Non hai moito máis. É a auga, a terra, as mans, a mirada, cousas esenciais. Eu falo sempre das mulleres de aquí de Galicia porque son as que a min me tocaron, pero é algo universal, de calquera lugar. Agora mesmo en Gaza, estano pasando situacións realmente difíciles.
Podería definir ‘O Corno’ cunha palabra que non sexa sororidade?
Salvaxe.
- El Correo Gallego - Diario de la capital de Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Deja tu vitrocerámica como nueva con dos productos que siempre tenemos en casa
- Estos son los dos pueblos más felices de Galicia: los únicos en el top35 de España
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- SOS de las inmobiliarias y clientes: ya no queda vivienda para alquilar o vender en la localidad de O Milladoiro
- Rueda completa la remodelación de la Xunta con el nombramiento de 16 directivos: Reboredo Nogueira liderará la Oficina de Coordinación Económica
- Una mirada al pasado de Santiago en color: así era la Compostela de principios del siglo XX