Dúas obras compostelás nos Premios de Arquitectura 2024
Hai doce propostas galegas, entre elas en Ribeira, Teo e Silleda
![Un dos proxectos santiagueses é a 1ª fase do complexo Cidade de San Caetano](https://estaticos-cdn.prensaiberica.es/clip/f3f3b036-730f-4d79-a2d1-d4c5db37000b_16-9-discover-aspect-ratio_default_0.jpg)
Un dos proxectos santiagueses é a 1ª fase do complexo Cidade de San Caetano / cedida
O Consejo Superior de los Colegios de Arquitectos de España (CSCAE) anunciou 185 propostas seleccionadas na primeira fase dos Premios Arquitectura 2024, das que 12 son galegas. O decano do Colexio Oficial de Arquitectos de Galicia (COAG), Luciano Alfaya, destaca o compromiso das obras galegas seleccionadas “coa paisaxe, co emprego responsable dos materiais e a súa adecuación a escala do territorio”.
En Santiago atópanse dúas destas: a proposta para a primeira fase da reforma no complexo administrativo de San Caetano, de Lucas Díaz Sierra, Gustavo Díaz García, Antoni Montes i Boada e Laia Isern Ros. Tamén está o proxecto de rehabilitación da Casa Vistalegre, que trata de recuperar un volume orixinal dunha casa chamada “baratas” deste barrio en Santiago de Compostela e cuxo autor é José Carlos Seoane González.
![Proxecto de rehabilitación Casa Vistalegre en Santiago](https://estaticos-cdn.prensaiberica.es/clip/f4379156-398b-449c-8d0b-cf825cc038a6_alta-libre-aspect-ratio_default_0.jpg)
Proxecto de rehabilitación Casa Vistalegre en Santiago / cedida
Foron escollidos tamén proxectos de Ribeira, Teo, O Saviñao (Lugo), A Coruña, Silleda e Vigo.
Nivel nacional
O resultado mostra a ampla representación territorial dos premios, así como a diversidade e calidade dos proxectos presentados, que van desde edificación, planificación urbana, interiorismo ou arquitecturas efémeras, ata trabalos de divulgación e difusión, entre outros.
As propostas seleccionadas destacan pola súa innovación e calidade, polo seu impacto positivo na mellora continua do benestar individual e colectivo, o reforzo cultural do noso patrimonio e a recuperación do equilibrio medioambiental e territorial. De acordo co reparto territorial establecido nas bases dos Premios Arquitectura, a lista componse de 17 en Andalucía, 6 en Aragón, 3 en Asturias, 6 en Cantabria, 7 en Castela-A Mancha, 14 en Castela e León, 30 en Cataluña, 5 en Estremadura, 12 en Galicia, 6 en Illas Baleares, 8 en Illas Canarias, 5 en A Rioxa, 30 en Madrid, 6 en Murcia, 14 en País Vasco e Navarra, 16 en Comunidade Valenciana.
Cada Colexio Oficial de Arquitectos e Consello Autonómico realizou a selección dentro do seu ámbito territorial, seguindo os criterios e valores establecidos nas bases: universais, culturais e artísticos, profesionais e éticos, valores asociados á innovación, diversificación, divulgación e difusión, así como á rehabilitación, renovación e rexeneración e á permanencia.
Segunda fase
A partir desta selección, en maio celebrarase a reunión do xurado, que elixirá as obras finalistas e, o 20 de xuño, anunciarase o nome dos proxectos gañadores, en directo, no transcurso dunha gala. En total, outorgaranse seis distincións baseadas en valores e tres recoñecementos especiais: o Premio de Arquitectura Española, o Premio de Urbanismo Español e o Premio á Permanencia.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local