CELEBRACIÓN
Vimianzo xuntou máis de mil cen persoas no Xantar dos Maiores
Foron homenaxeados os de máis idade e todos os participantes foron agasallados cunha imaxe súa enmarcada
Ao acto sumáronse a subdelegada do Goberno e o xerente do Consorcio Galego de Servizos de Igualdade
J. M. Ramos
Máis de 1.100 persoas reuníronse este sábado no Xantar de Maiores de Vimianzo, unha iniciativa organizada polo Concello para fomentar a cohesión social entre as persoas de máis idade. A celebración comezou cunha misa cantada, que foi seguida por unha actuación da coral municipal como antesala ao inicio do xantar.
A xornada contou cunha emotiva homenaxe ao señor e á señora máis maiores do municipio, que recibiron un pequeno agasallo. Ademais, todos os asistentes recibiron unha imaxe súa enmarcada, "para gardar para sempre un emotivo recordo desta celebración", subliñan dende o Concello. O Trío Karma foi o encargado de poñer a banda sonora a unha tarde na que non faltou o baile.
A alcaldesa, Mónica Rodríguez, agradeceu a todas as persoas “por acompañarnos e por ser unha parte activa e fundamental para que Vimianzo continúe funcionando”. También tivo palabras de agradecemento para o departamento de Servizos Sociais e ás persoas voluntarias polo seu traballo, que é “fundamental e imprescindible para seguir construíndo unha sociedade mellor, na que se garanta o benestar dos nosos maiores”. Pola súa banda, a concelleira de Benestar Social, María José Pose, subliñou que esta xornada "é, sen dúbida, das máis especiais do ano”.
Á cita tamén se sumaron o xerente do Consorcio Galego de Servizos de Igualdade e Benestar, Perfecto Rodríguez, e a subdelegada do Goberno na Coruña, María Rivas, quen asegurou que “o noso país ten unha débeda con todas e todos vos, porque a vosa aportación foi fundamental para consolidar a democracia, e para que hoxe teñamos as cotas de benestar que temos”.
- El Correo Gallego - Diario de la capital de Galicia
- Más de cien alumnos del Colegio Manuel Peleteiro celebran su graduación
- Los 40 y el polémico concierto de la Panorama dan el pistoletazo de salida a las fiestas de la Ascensión
- Fiestas de la Ascensión 2024 en Santiago: consulta aquí todos los horarios del programa
- El furor por el ramen llega a Santiago: así son los tres nuevos restaurantes que acaban de abrir sus puertas en el último mes
- Denuncian destrozos en el suelo del Obradoiro tras la actuación de la orquesta Panorama
- Caamaño prevé cerrar esta semana los cambios en Sanidade: ¿Habrá relevo en la gerencia de Santiago?
- Sacar dinero o tener cerca una sucursal son servicios de interés general, concluye el Defensor del Pueblo