El Correo Gallego

Noticia 1 de 1 Área de Compostela  |   RSS - Área de Compostela RSS

Finou o fotógrafo Luís Ballesteros a menos dun mes de cumprir 102 anos

O funeral é este xoves ás cinco da tarde en San Pedro de Vilanova, en Vedra

Luís Ballesteros nunha imaxe do ano 2016 - FOTO: RAMÓN ESCUREDO
Luís Ballesteros nunha imaxe do ano 2016 - FOTO: RAMÓN ESCUREDO

SANTIAGO  | 26.07.2018 
A- A+

Acaba de falecer o fotógrafo Luís Ballesteros Martínez a menos dun mes de cumprir 102 anos. Naceu en Outeiro (San Pedro de Vilanova, Vedra) o 16 de agosto de 1916 e faleceu na mesma parroquia o 25 de xullo de 2018. Exerceu de fotógrafo durante varias décadas principalmente no Val do Ulla, retratando numerosas persoas, paisaxes e acontecementos da comarca. Unha selección das súas imaxes recóllense no libro ‘Ballesteros, o fotógrafo’ da Asociación Raiceiros e no documental e a exposición que levan o mesmo título. O funeral é este xoves ás cinco da tarde en San Pedro de Vilanova, no concello de Vedra.