A Laracha reforza o control da auga da rede local para garantir o servizo en épocas de seca
Reforzaranse os elementos de medición e control de caudais nos puntos de captación de auga para a subministración da Laracha, Paiosaco e Caión
Redacción
O Concello larachés reforzará os elementos de medición e control dos caudais nos puntos de captación de auga para a subministración das tres zonas principais de abastecemento: a da Laracha (que dá servizo a 4.500 habitantes), a de Paiosaco (1.500 veciños) e a de Caión (900 residentes).
A intervención ten por finalidade contabilizar a totalidade da auga de traída nos distintos puntos de captación (río Anllóns e mananciais) por medio da instalación de caudalímetros electromagnéticos, ao tratarse de instrumentos que poden facer a medición sen estar en contacto coa auga. O obxectivo é garantir a prestación adecuada do servizo en cantidade e calidade perante situacións de seca, reducir a vulnerabilidade dos sistemas de abastecemento municipais establecendo normas e medidas para o aproveitamento dos recursos buscando o equilibrio co medio natural, e garantir a protección da saúde pública durante situacións que poidan xerar risco no abastecemento ou na subministración de auga para o consumo humano.
O proxecto está valorado en 17.000 € e para o seu cofinanciamento contará cunha achega económica da Vicepresidencia Segunda da Xunta ao abeiro do Fondo de Cooperación Local.
- Persiguen por las carreteras de Sar a una veinteañera sin carnet que terminó tirada en un arroyo
- Evacuada una mujer en helicóptero tras ser golpeada por un tractor en A Estrada
- Tras la tempestad llegan la calma... y las sorpresas: rodaballos XL y hasta bocartes en la ría de Muros-Noia
- Louzao Dono es ya nuevo alcalde de A Estrada con la autovía hacia Santiago, la vivienda o industria como principales ejes
- David Santomil deixa a Corporación amesá tras doce anos para dar paso a unha renovación xa “rodada” no Bloque
- Bugallido: la parroquia de Ames que llevó al éxito su propio ciclo sobre salud tras implicar a vecinos especialistas sanitarios
- Negreira compite con Sevilla con su propia Feria de Abril repleta de música, rebujitos y jarana este sábado
- Muere ahogado un hombre de 80 años en la playa de Caldebarcos, en Carnota