Mozos ordenses póñenlle cara ó pasado
![Visita dos Reis de España ata a vila de Ordes en 1976 / ies Maruxa mallo](https://estaticos-cdn.prensaiberica.es/clip/58bbe8de-42d5-494f-a970-4d6169f68c5e_16-9-aspect-ratio_default_0_x751y881.jpg)
Visita dos Reis de España ata a vila de Ordes en 1976 / ies Maruxa mallo / M. Manteiga
O instituto Maruxa Mallo de Ordes mira pola memoria gráfica dos seus veciños, e vén de organizar a exposición de fotos mirandoNós dos familiares do alumnado de cuarto curso da ESO, segundo traslada o profesor de Xeografía e Historia Heladio Anxo Fernández. A iniciativa foi un éxito, e reuníronse 63 instantáneas que incluiron dende estampas costumbristas a retratos dos achegados deses mozos ou mesmo unha visita real.
![Nena fotografiada cando as imaxes eran en blanco e negro / IES mallo](https://estaticos-cdn.prensaiberica.es/clip/7beed39e-d878-4ecf-8d7b-269316300450_alta-libre-aspect-ratio_default_0.jpg)
Nena fotografiada cando as imaxes eran en branco e negro / IES mallo / M. Manteiga
Segundo Fernández, as imaxes que forman esta mostra “son a parte final dun traballo desenvolvido na materia de Xeografía e Historia de 4º da ESO”, e explica que cada alumno buscou nas casas dos seus familiares fotografías antigas (anteriores ao ano 2000) “das que debeu seleccionar catro, as que cada un considerou máis relevantes”. Ademáis, e seguindo o proceso de documentación, para cada unha desas catro fotos tiveron tamén que cubrir unha ficha onde figurase, sempre que fose posible, datos coma a data, localización, persoas retratadas e unha breve descrición do plasmado na imaxe.
![Mozas nun comercio da contorna amosando o xénero en 1956 / ies mallo](https://estaticos-cdn.prensaiberica.es/clip/ace88e7d-448a-412f-ac1b-d916d8f070d6_alta-libre-aspect-ratio_default_0.jpg)
Mozas nun comercio da contorna amosando o xénero en 1956 / ies mallo / M. Manteiga
“Unha vez confeccionadas as fichas, elaboraron unha redacción, onde analizaron, polo miúdo, as fotografías, valorando a importancia da información proporcionada por cada unha, non só desde o punto de vista histórico, senón tamén desde a perspectiva sentimental e estética”, suliña de novo o docente. Pero tamén se lles propuxo que reproduciran as fotos antigas na actualidade.
Concluído o traballo escrito, cada alumno presentou as súas imaxes oralmente na aula. “Foi aquí cando puidemos comprobar o gran interese de moitas das fotografías para o coñecemento do noso pasado, da nosa identidade, o cal nos levou a organizar esta exposición cunha selección das mesmas”. E entre os temas que vertebran a mostra, Heladio Anxo Fernández sinala algúns coma “o da emigración; traballos; mili; retratos; motor; lecer; relixión e escola”, segundo confirmaba recentemente a este xornal.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local