De festa coa empanada por bandeira
Milleiros de persoas déronse cita na carballeira da Silva para degustar e exaltar o produto estrela de Silleda
Presentáronse corenta creacións a concurso
Unha de mexillóns con masa de millo, trigo e centeo, elaborada por María José Gómez, foi a que alcanzou o prezo máis alto na poxa: 1.350 euros
![Miembros del jurado analizando las empanadas presentadas a concurso este sábado en Bandeira](https://estaticos-cdn.prensaiberica.es/clip/5fc6ffd5-7c5c-4e07-b066-c9fce28181f4_16-9-aspect-ratio_default_0.jpg)
Miembros del jurado analizando las empanadas presentadas a concurso este sábado en Bandeira / bernabé - javier lalín
Como cada terceiro sábado de agosto dende 1974, a carballeira da Silva de Bandeira (Silleda) foi onte o escenario da emblemática Festa da Empanada de Bandeira, declarada de Interese Turístico de Galicia e que alcanzou a edición número 47.
Ao mediodía celebrouse a misa cantada pola Coral Polifónica de Agolada e media hora despois daba comezo o concurso de empanadas, con premios para as máis saborosas e a tradicional poxa. As propostas son cada ano máis creativas. Así, por exemplo, competían unha empanada en forma de centola e outra de mexillóns presentada sobre unha plataforma que simulaba un barco bateeiro, con grúa incluída.
A continuación tivo lugar a actuación da Asociación Cultural Xirandola e +Danza, que deu paso á lectura do pregón a cargo da xornalista María Lama, quen reivindicou para esta cita a declaración de Festa de Interese Turístico Nacional e destacou a implicación dos veciños, mozos e maiores, na súa organización.
Este ano presentáronse a concurso 40 empanadas (18 na categoría amateur, 12 na profesional e 10 na infantil). Os primeiros premios foron para a empanada de grelos confitados, cacheira afumada e queixo de tetilla con masa de ovo e trigo, de Casa Currás (profesional); para a de mexillóns con masa de millo e trigo centeo, de María José Gómez (amateur); e para a de mexillóns de Carmen e Ricardo Fuerte (infantil).
A máis orixinal foi a de centola de Sálvora (categoría profesional), de A Despensa Galega: a máis tradicional, a de millo corvo e xouba rechea de xamón (categoría amateur), de Lola Sangiao; e a de mellor masa, a de ventresca de bonito, cebola e pemento do país (profesional), de Panadería Cervela. A empanada de mexillóns con masa de millo e trigo centeo de María José Gómez foi ademais a que alcanzou o prezo máis alto na subasta: 1.350 euros.
Ás tres da tarde a empanada era xa protagonista nas mesas das numerosas peñas. O xantar estivo amenizado por BB+ e Os Varacuncas.
Xa á media tarde, a música correu a cargo da orquestra América S.L e JB Son, mentres que pola noite a charanga Os Alecríns e Argalleiros amenizaron a cena das peñas. Na verbena, a partir da medianoite, actuaron a orquestra Olympus e Disco Radikal con DJ David Expósito.
Segundo a organización, ao longo da xornada pasaron pola Festa da Empanada unhas dez mil persoas.
A programación da Festa da Empanada continuará hoxe co pasarrúas da Banda Municipal de Silleda, a misa cantada polo Coro Vales Mahía, o espectáculo infantil O Gran Circo Galego, o concerto da Banda Municipal de Silleda e a E.R.C. de Bandeira e o baile que estará amenizado polo dúo Phantom.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local