Os veciños de Bértoa arroupan as familias dos asasinados polos franquistas en 1936
Continúan os labores arqueolóxicos para tentar localizar os catro corpos
Acharon diversos restos óseos, pero moi dispersos
![Veciños de Bértoa e familiares dos asasinados están a seguir os labores de busca no cemiterio carballés /ARMH](https://estaticos-cdn.prensaiberica.es/clip/a818307c-444c-468e-9c46-e88f26e9f70f_16-9-aspect-ratio_default_0.jpg)
Veciños de Bértoa e familiares dos asasinados están a seguir os labores de busca no cemiterio carballés /ARMH / JOSÉ M. RAMOS
O equipo de arqueólogos e antropólogos da Asociación para a Recuperación da Memoria Histórica (ARMH) continúan a traballar no cemiterio parroquial de Bértoa (Carballo) na búsqueda dos restos dos catro coruñeses asasinados polos franquistas en setembro de 1936, e que foron soterrados nunha fosa común nesta necrópole.
Na segunda xornada, os técnicos ampliaron o ámbito da escavación e profundizaron na mesma, e este mércores, se a climatoloxía o permite, teñen previsto continuar, segundo confirmou Carmen García-Rodeja, voceira da ARMH.
Ata o momento, “atopáronse restos óseos, pero moi dispersos, e nós o que buscamos son esqueletos máis ou menos completos”, engadiu. Non obstante, todos os achádegos están sendo debidamente documentados “e non se toca nada, senón é o que estamos buscando”.
A dispersión dos restos achados é debida as obras de ampliación do cemiterio anos atrás. Este xoves farán novas catas “noutra das zonas que contemplábamos como posible emprazamento da fosa común, e en función dos resultados, decidirase se continúan os labores”, indicou Carmén García.
Á espera de que os traballos dean o froito esperado, que é a localización e exhumación dos corpos de Juan Boedo Pardo, Francisco Miguel Fernández, Andrés Pinilla e Pedro Pinilla, a voceira da ARMH subliñou a “gran colaboración que estamos a ter, tanto por parte da veciñanza coma do Concello de Carballo”. A este respecto, sinalou que varios veciños de Bértoa “achegáronse estes dous días ata o cemiterio para colaborar, tanto con nós, ofrecéndonos datos e a información da que dispoñen, como para arroupar os familiares de Juan Boedo, que están aquí seguindo os labores”. Ademais, a familia de Francisco Miguel Fernández, que está afincada en México, “enviounos varias mensaxes de apoio dende alá, algo que agradecemos moito”, afirmou Carmen García-Rodeja.
Tamén están en contacto cos achegados de Andrés e Pedro Pinilla, aos que non poideron localizar ata a véspera do inicio da escavación. “Aínda o están asimilando, porque eles descoñecían que os corpos dos seus familiares foran soterrados neste cemiterio”, engadiu. A voceira da ARMH subliñou que esta familia viviu en setembro de 1936 un drama, “pois mataron o pai e tres fillos, dous deles un par de días antes”.
Os catro que tentan localizar na necrópole de Bértoa eran veciños da Coruña, que foron secuestrados e asasinados por pistoleiros franquistas. Os seus corpos foron atopados o día 29 de setembro de 1936 no Campo de Morgade, en Queo de Arriba (Bértoa). Agora agardan atopar os seus restos para poder darlle unha sepultura digna.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local