Costa da Morte invita a explorar os seus ceos e a vivir emocións
Cento corenta persoas asistiron ao terceiro Encontro de Turismo
O físico baiés Jorge Mira foi proclamado embaixador do xeodestino
O III Encontro de Turismo de Costa da Morte reuniu en Laxe a 140 representantes de 17 concellos, profesionais, entidades e empresas vinculadas ao sector turístico. Unha xuntanza na que, ademais de facer balance do labor de Costa da Morte Asociación Turística (CMAT), ente xestor do xeodestino, a especialista Nuria Espasandín, de Toxio.gal, deu a coñecer novas fórmulas de promoción en liña “que están á nosa disposición e só toca aproveitalas ben, pensando no púiblico, vendendo emocións que poidan chegar a deixar pegada”.
Óscar Blanco, de Trevinca Skies, subliñou as “inmensas posibilidades” da astrofotografía e o astroturismo, convidando a “explorar os ceos da Costa da Morte e abrindo as portas a un universo de experiencias únicas”. Pola súa banda, Emilio Cuíñas, de Autoxiro, resaltou que a implantación do Sistema Integral de Calidades Turística (Sicted) “representa un paso significativo cara a excelencia, evidenciando o compromiso de todo o sector coa calidade e o traballo en rede”.
Ao econtro sumouse tamén o director de Turismo de Galicia, Xosé Manuel Merelles, quen salientou o papel da Costa da Morte no modelo turístico galego, e subliñou que conta “co apoio da Xunta para poñer en valor a súa capacidade para consolidar e ampliar a oferta, e contribuír ao desenvolvemento económico e social deste territorio”.
Lembrou que nos últimos anos investíronse máis de 300.000€ “cos que os xestores do destino avanzaron na sustentabilidade, formación e planificación do turismo na Costa da Morte, con accións transversais”.
Pola súa banda, o vicepresidente da Deputación da Coruña, Xosé Regueira, destacou a sustentabilidade e calidade da Costa da Morte, “un destino moi competitivo no escenario mundial do turismo”. Apuntou a necesidade de apostar pola innovación: “Temos o produto, e tamén o talento e a creatividade para o desenvolvemento do mellor xeito”.
O presidente da CMAT, Manuel Muíño, amosou o seu optimismo sobre o porvir do sector turístico, e Marta Rodríguez, secretaria técnica asegurou que “cada paso que damos é froito dun esforzo colectivo”. A este respecto, Pepe Formoso, presidente de APTCM, sinalou que “só co asociacionismo lograremos avanzar. Imos polo bo camiño, pero temos que ir todos da man, empresarios e administracións”.
O acto rematou coa entrega do recoñecemento de Embaixador da Costa da Morte 2023 ao catedrático baiés da USC, Jorge Mira, polo “seu compromiso coa terra”. Dixo que “é un privilexio que comparto con toda a comunidade”, amosando o seu orgullo “por contribuír ao esforzo colectivo para potenciar o turismo”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local