Corenta persoas son atendidas a diario na cociña social de Cee
É a única de Galicia que funciona só grazas á labor de voluntarios de Cáritas
O arzobispo presidiu a celebración do décimo aniversario
![Voluntarios de Cáritas que colaboran coa cociña social /rafa quintáns](https://estaticos-cdn.prensaiberica.es/clip/f920b343-870b-47ab-bb82-574281742fc0_16-9-aspect-ratio_default_0.jpg)
Voluntarios de Cáritas que colaboran coa cociña social /rafa quintáns / José m. ramos
A Cociña Social San Roque, de Cee, celebrou dez anos de servizo a favor dos menos favorecidos da comarca de Fisterra cun acto que estivo presidido polo arcebispo de Santiago, monseñor Francisco José Prieto, e que serviu tamén de homenaxe a todos os voluntarios e voluntarias de Cáritas Parroquial, empresas colaboradoras e concellos que dan apoio ao referido servizo.
Cada día, de luns a venres, a cociña elabora a comida para 40 persoas, e outras 220 reciben semanalmente un paquete de alimentos, segundo Iván Pérez, coordinador da Unidade Pastoral de Cee. Un labor da que se encargan unha vintena de colaboradores. “Esta é a única cociña social de Galicia que é atendida só por voluntarios, sen nengunha persoa asalariada”, afirma.
Os beneficiarios son maioritariamente persoas dos municipios de Cee, Corcubión e Dumbría, “pero se hai persoas doutros concellos limítrofes que precisan deste servizo, tamén se lles da apoio”, engadiu Iván Pérez, quen subliña a importante labor “dos comercios, peixerías e supermercados locais que aportan os alimentos necesarios para elaborar os menús que se preparan na cociña e que os usuarios recollen cada día, xa elaborados, para consumilos nas súas casas”.
Na celebración do décimo aniversario, á que se sumou tamén o director de Cáritas Diocesana de Santiago, Anuncio Mariño, fíxose un especial recoñecemento a Emiliana Romero, veciña de Cee, quen doou á parroquia ceense o edificio no que se ubica a Cociña Social de San Roque “coa condición de que destinará a fins solidarios”, subliña Pérez.
O acto foi asemade o punto de partida da Campaña de Nadal de Cáritas da Unidade Pastoral de Cee, que ten en marcha tamén unha recolleita de alimentos a través de carros solidarios nos supermercados Carrefour, Froiz, Gadis e Eroski. O domingo, o propio Concello de Cee organizou tamén unha colecta de alimentos. Igualmente, están a recoller xoguetes, roupa e produtos non percedoiros nos colexios Manuela Rial, Vila de Cee e na escola unitaria de Brens.
Ata o 4 de xaneiro tamén se poden doar libros, xoguetes e artigos novos a través das caixas solidarias ubicadas nas librerías Ler e Mestura, Papelería Fersi, Todo Lar, Cadena 100, A Casa do Neno e Retoños. Nos mercados municipais de Cee e Corcubión recolleranse artigos de segunda man.
O 22 de decembro no santuario de Cee representarase a obra teatral La posada de Belén, a cargo dos nenos e nenas da catequese, cunha entrada solidaria de produtos non perecedoiros. E do 22 ao 24 deste mes repartiranse postais de Nadal aos enfermos da unidade pastoral.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local