Sentida homenaxe a Xan María Castro Paz no Pazo da Peregrina
O alcalde dirixíndose aos asistentes á homenaxe / C. Ames
O Concello de Ames rendeu unha sentida homenaxe Xan María Castro Paz, falecido en novembro e que fora presidente da Fundación 10 de Marzo e secretario xeral de CC.OO. en Galicia entre os anos 2000 e 2009. No acto, celebrado no Pazo da Peregrina, o alcalde, Blas García, agasallou á familia cun retrato do sindicalista, e ao remate descubriuse unha placa xunto a unha árbore plantada na honra de Xan María.
A sala de exposicións encheuse de amigos e amigas do que fora veciño de Ames durante 30 anos. O rexedor louvou a súa “longa traxectoria sindical e vital” e subliñou que “foi unha persoa que traballou e defendeu os dereitos laborais e os valores da igualdade”. Pola súa banda, Amelia Pérez, secretaria xeral de CC.OO, destacou que “se algo caracterizaba a Xan María era o seu sentido da lealdade, cos seus amigos e compañeiros, co seu sindicato e cos principios da organización”. Pechou o acto Iago Castro, fillo do sindicalista, quen definiu ao seu pai como un home “disciplinado, bondadoso e valente”.
- “A nivel salarial non está en absoluto recoñecido o labor que fan os alcaldes”
- Ames executa obras por valor de 2,76 millóns en Bertamiráns, Milladoiro e núcleos rurais
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ordes enxalza os champiñóns e A Estrada acolle as actividades do Día da Xuventude
- Maio Vintage: Boiro revive os anos oitenta cun mercado retro
- Boiro celebra o Día da Danza cun espectáculo protagonizado por cincuenta bailarinas de ballet
- Incautan 244 quilogramos de peixe que excedían o cupo diario dunha embarcación de Porto do Son
- La Inspección auditará el IES do Milladoiro para atajar la conflictividad
