Muxía conxela os impostos e dedicará medio millón de euros aos servizos de dependencia
O alcalde propón axustar gastos e aproveitar ingresos fixos doutras administracións, pero sen mermar servizos
![Iago Toba, alcalde de Muxía](https://estaticos-cdn.prensaiberica.es/clip/128eee8e-c969-4510-bcdf-4e45eef7b508_16-9-aspect-ratio_default_0_x697y817.jpg)
Iago Toba, alcalde de Muxía / PSOE
O grupo de goberno de Muxía, presidido por Iago Toba (PSOE), deseñou uns orzamentos municipais para 2024 que terán como principal premisa a conxelación dos impostos. Ante a actual situación socioeconómica e a suba de prezos xeral, avogan por priorizar o “coidado das familias e non acentuar máis esa merma económica familiar”.
Na proposta que xa trasladaron ao resto dos grupos (o Executivo está en minoría, con só 5 concelleiros de 11), tamén se contemplan máis de 500.000 euros para servizos de axuda á dependencia, tentando “manter e mellorar servizos importantes como o coidado dos maiores e dependentes”, subliñan.
O alcalde, Iago Toba, asegura que “hai fórmulas para non repecutir esta suba xeral do nivel de vida directamente no veciño ou veciña, sobre todo en situacións como as que agora circunstancialmente vivimos”.
Para iso propón axustar gastos e aproveitar ingresos fixos doutras administracións, pero sen mermar servizos. “Sería fácil, rápido e efectivo facer unha suba dos impostos, pero consideramos que o fácil, neste caso, é inxusto coa situación que viven as familias”, engade.
Asegura que o seu grupo tentará acadar “o maior consenso posible e sumar apoios” na mesa de traballo na que participa a oposición.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local