Panxoliñas, obradoiros, literatura, galas artísticas e dúas pistas de xeo no Nadal da Costa da Morte
Laracha premia as decoracións de fachadas, balcóns e xardíns
O comercio carballés ofrece unha paga de 300 euros durante un ano
![Asistentes ao acto de acendido do alumeado navideño na Praza do Concello de Vimianzo /c. de vimianzo](https://estaticos-cdn.prensaiberica.es/clip/15e0910c-de88-4357-a8f6-66319dc35454_16-9-aspect-ratio_default_0.jpg)
Asistentes ao acto de acendido do alumeado navideño na Praza do Concello de Vimianzo /c. de vimianzo / J. M. RAMOS
Co acendido dos alumeados, o espírito navideño xa se asentou na Costa da Morte onde, ata o 7 de xaneiro, veciños e visitantes poderán gozar dun amplo abano de actividades lúdicas e culturais, e incluso aspirar a suculentos premios.
Na Laracha, o Concello agasallará con 1.200 euros en premios as mellores decoracións de fachadas, balcóns e xardíns particulares que sexan visibles desde o exterior, e dedicará outros 1.800€ ao concurso de escaparates, que alcanza a 28 edición. E o día 30 celebrarase o Certame de Panxoliñas María Angeriz Tuset, na casa da cultura.
En Carballo, o Centro Comercial Aberto premiará a fidelidade dos seus clientes cunha paga extra de 300 euros durante un ano, e con dous cheques de 1.000€ cada un para gastar nunha hora.
Pola súa banda, Cee e Vimianzo acollerán as dúas únicas pistas de xeo para gozar patinando este Nadal na Costa da Morte. Na vila ceense estará ubicada no espazo Ceelandia dende o 22 de decembro ata o 6 de xaneiro, e na capital de Soneira abrirá o vindeiro día 15 no lateral da casa consistorial.
Ademais, en Cee o xoves, día 14, o historiador Luis Lamela presentará o libro A loita dos perdedores, e o día 17, Vimianzo acollerá unha gala artística solidaria en favor das agrupacións de Cáritas e Cruz Vermella.
Co fin de facilitar a conciliación familiar, o programa Meniñeiro de Nadal ofrecerá en Cabana actividades para nenas e nenos de infantil e primaria na casa da cultura. E o vindeiro venres, día 15, o auditorio acollerá o festival Abrazando o Nadal que xuntará o talento local de Son de Cabana, As Cantareiras de Anos e as corais de Canduas e Cesullas.
En Dumbría e Zas nenos e maiores poderán gozar de música, maxia, teatro e diferentes obradoiros.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local