Valga e Vedra volven a erixirse como capitais da camelia con exaltacións
No municipio pontevedrés xa rematou a exposición Bella Otero a cargo da asociación de mulleres rurais Albor
No compostelano puxeron en marcha actividades deportivas, e a mostra chegará aos arredores da Estación o día 25
A finais do século XVIII chegaban a Galicia as primeiras camelias, unha especie da familia do té que prendeu ben nesta terra, e hoxe está a ser exaltadas por varios concellos da comarca, como poden ser Valga ou Vedra. A paixón pola denominada rosa do inverno engancha, e cada vez son máis os xardíns onde se pode atopar como planta ornamental.
Comezando por Valga, a principios de mes poñíase en marcha a Mostra da Camelia Bella Otero no auditorio municipal, a cargo da asociación de mulleres rurais Albor. E foron uns corenta os expositores participantes nesa décimo sexta edición cos seus centros e composicións florais nos que destaca o colorido propio das distintas variedades desta especie. Centros educativos, ANPA, asociacións e outros colectivos valgueses e tamén coleccionistas particulares, tanto locais coma foráneos, participan na mostra.
“Cada vez hai máis coleccionistas en Valga”, sinala Rosa Crespo, presidenta de Albor. E a iso contribuíu precisamente a Mostra da Camelia, xa que cada ano os participantes son agasallados cun exemplar que lles axuda a ampliar as súas plantacións. Ademais, aproveitaron para lembrar que “este ano non foi moi propicio para a camelia”, xa que “tanta chuvia e a falta de sol fixeron que as plantas tardaran moito en florecer”, comenta Rosa Crespo. “Estas últimas semanas solleiras viñeron moi ben, xa que axudaron moito á floración”.
OUTRO EPICENTRO. E xa na provincia da Coruña, a outra capital desta flor é Vedra, Concello no que xa comezaron coa programación, que terá o acto principal o vindeiro día 25 coas XXVIII Xornadas Arredor da Camelia, na contorna da Nave da Estación de Santa Cruz de Ribadulla. O programa abrirase ás 12.30 horas coa apertura da mostra e do mercado das camelias; ás 12.45 horas inaugurarase co escultor e pintor vedrés, amante das camelias e do Camiño de Santiago, Cándido Pazos, incluíndo a Irmandade con Lousada (Portugal) e a entrega de premios e agasallos de participación para as Mostras de Flor e Ornamentación con camelia.
Ás 13.30 horas, turno para a actuación da Escola de Música de Santa Cruz de Ribadulla do Concello de Vedra; espectáculo infantil e familiar Lila Star ás 17.00 horas e entrega de premios do Concurso de Pintura Infantil da Camelia; Desfile de Moda da Camelia ás 18.15 horas; e, ás 19.00 horas, actuación da Agrupación Instrumental e Coro de Secundaria do CPI Plurilíngüe de Vedra.
Destacar que previamente organizáronse a marcha a XIII BTT Cicloturista da Camelia polo Val do Ulla con 364 participantes, e a VIII Carreira por Montaña A Camelia. Este venres haberá na Estación unha charla (20.00 horas) titulada Curiosidades da Camelia, a cargo de Carmen Salinero e Pilar Vela (da Estación Fitopatolóxica Areeiro); o sábado, curso de fotografía con saída; e o 24, visitas teatralizadas ao Pazo de Santa Cruz de Ribadulla, máis obradoiros. Anotacións na web municipal.
- El Correo Gallego - Diario de la capital de Galicia
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Acciona se asocia con Nissan para la distribución en Europa de su nuevo nanocar Silence S04
- Así es el impresionante palacete que recuerda a Downton Abbey: a la venta en Santiago de Compostela
- Las ventas de coches cierran el primer cuatrimestre en Galicia con un aumento de casi el 16%, el doble que en España
- Detenido un joven en un piso de Santiago tras intervenirle cinco kilos de hachís y un centenar de pastillas