Cabana inicia a campaña contra a velutina co reparto de 100 trampas
O ano pasado, co apoio da cidadanía, lograron atrapar máis de 6.100 exemplares
En Fisterra a asociación veciñal pide un plan similar
J. M. Ramos
O Concello de Cabana de Bergantiños puxo en marcha este martes, día 20 de febreiro, a campaña municipal de loita contra a vespa velutina, que se prolongará durante tres meses, ata o vinte de maio. Unha iniciativa que xa levou a cabo con gran éxito en anos anteriores coa finalidade de capturar as raíñas desta especie coincidindo coa chegada da tempada de primavera.
Con tal fin, o goberno local porá a disposición de veciñanza un total de 100 trampas co seu correspondente líquido atraínte, que este ano será distribuído en bolsas. Para poder recibir ditos dispositivos a veciñanza deberá realizar unha solicitude ben a través da páxina web do Concello ou mediante as oficinas xerais.
Ademais, Plugiber será a empresa responsable da colocación dos dispositivos en diferentes enclaves públicos da localidade, entre os que se inclúen parques, o paseo marítimo e a contorna de zonas verdes e centros de ensino, entre outros. Todas estas trampas estarán xeolocalizadas a través dunha aplicación móbil. Na campaña do ano pasado, en Cabana foron capturadas 6.126 vespas.
Unha vez que remate a campaña as trampas deberán ser devoltas no Concello, e será obrigatorio notificar cunha periodicidade de 15 días o número de raíñas capturadas.
Na Costa da Morte, ademais do Concello de Cabana, outros municipios como A Laracha, Carballo, Laxe e Zas tamén desenvolven campañas similares tentando frear a propagación desta especie invasora.
No concello zaense o pasado ano a campaña pechouse con 12.000 capturas, e na iniciativa de trampeo involucráronse uns 200 veciños e veciñas. Pola súa banda, en Carballo foron máis de 220 as persoas que se sumaron a unha rede de voluntariado, que contou ademais coa colaboración da Asociación Galega de Apicultura e dos apicultores locais. En só dous meses de campaña, conseguiron atrapar máis de 8.100 avespas.
Pola súa banda, en Fisterra, a Asociación de Veciños Costa da Morte, a través do seu presidente, José Fernando Carrillo, remitiu un escrito á alcaldesa solicitando que o Concello promova tamén unha campaña “en todo o municipio dende o vindeiro mes de marzo ata xuño”.
Carrillo Ugarte asegura que é coa chegada da primavera cando se debe facer este trampeo “porque é cando as raíñas saen do período de hibernación para iniciar un novo período de vida creando os seus niños, razón pola cal é o momento de eliminalas, xa que a desaparición da raíña evita que continúe a expansión”.
Subliña ademais que é unha especie que provoca “danos notables para a apicultura, xa que causa unha gran mortandade de abellas e, ademais, as velutinas causan un deterioro da froita madura”.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Acciona se asocia con Nissan para la distribución en Europa de su nuevo nanocar Silence S04