Todo o que vostede quixo saber da Unión Barcalesa, a un golpe de clic
O Arquivo da Emigración Galega do Consello da Cultura Galega vén de facer pública a dixitalización dos fondos da entidade cubana
Grazas aos membros desta diáspora puideron abrirse escolas no val como a de Covas (en 1921), Aro (1926) e a Casa-Escola de Seoane (1932)
![Reunión de emigrantes da Unión Barcalesa nunha celebración a principios do século XX](https://estaticos-cdn.prensaiberica.es/clip/d00180bf-f614-4140-87d3-4ce2918fc705_16-9-aspect-ratio_default_1285215.jpg)
Reunión de emigrantes da Unión Barcalesa nunha celebración a principios do século XX / Consello da Cultura
O Arquivo da Emigración Galega do Consello da Cultura Galega vén de facer pública a dixitalización de gran parte dos fondos documentais da Sociedad de Instrucción Unión Barcalesa, unha entidade fundada en 1907 que reunía aos emigrantes do val da Barcala (Negreira e A Baña) en Cuba. Os fondos permiten consultar documentos sobre o funcionamento da entidade entre 1907 e o ano 2004, e pódese acceder en https://consellodacultura.gal/evento.php?id=201806.
A Unión Barcalesa nacía na Habana co obxectivo de fundar escolas na súa terra natal. A entidade deu construídas e financiadas ao longo da súa vida escolas como Covas (1921), Aro (1926) e a Casa-Escola de Seoane (1932), na Baña. Tamén se cita a unitaria de Broño (1969), aínda que non está claro que todos os fondos chegarán dende a diáspora caribeña.
![Alcaldes de Negreira, A Baña, Val do Dubra e autoridades co finado presidente, sentado no centro, no centenario de 2007](https://estaticos-cdn.prensaiberica.es/clip/c298bb75-d0a5-4eb7-9fea-52ed090ef207_alta-libre-aspect-ratio_default_0.jpg)
Alcaldes de Negreira, A Baña, Val do Dubra e autoridades co finado presidente, sentado no centro, no centenario de 2007 / ECG
Boa parte dese proceso e o resto das accións da entidade recóllense nos libros de actas das xuntas directivas, das Asembleas de Socios, da caixa económica, do panteón e na correspondencia recibida. O acceso a estes fondos é libre e aberto no web do Consello da Cultura Galega.
A dixitalización tamén permite comprobar a implicación da sociedade na educación de alumnos de clase baixa, pero tamén con diversos proxectos de modernización dos equipamentos e da estrutura agraria do val da Barcala, como a iniciativa de creación dun ferrocarril entre Bergantiños e Santiago de Compostela ou as campañas pola redención de foros. A dixitalización dos fondos da Unión Barcalesa é parte do programa Memoria documental das sociedades da emigración galega, a través do cal o Arquivo da Emigración Galega está a recuperar os fondos de diferentes entidades asociativas da diáspora galega para a súa consulta e preservación.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local