Vinte e cinco anos exaltando o tradicional Bolo do Pote en Mazaricos
Esta fin de semana serviranse menús especiais en restaurantes do municipio
O domingo haberá degustación no campo da feira da Picota
J. M. Ramos
A 25 Festa do Bolo do Pote xa está aquí. O sábado e o domingo os restaurantes Asador Manduca, Efe-Eme, Casa Jurjo, Campamento Corzón e Casa Pego de Mazaricos organizan xantares e ceas, con reserva previa. O menú inclúe bolo do pote, cocido, sobremesa, viño e café, a partires de 25 €. Ademais, son colaboradores nesta edición a Taberna Casa Senra, o Café Bar Alborada e a Pizzería Pinocchio. O domingo haberá degustación no campo da feira da Picota dende as 14.00 horas a un prezo simbólico de 2 euros, e incluirá como agasallo o prato de cerámica de Buño.
A festa está organizada polo Concello de Mazaricos, coa colaboración da Asociación de Amas de Casa El Hórreo, a Asociación de Veciños Monte Picoto e o restaurante Casa Jurjo.
O bolo do pote é un complemento tradicional do cocido que se foi recuperando e reivindicando ata converterse no centro desta festa dende finais dos anos 90. Elabórase a base de fariña de millo, unha pouca de centeo e un rustrido de cebola e chichas de touciño. Amásase con auga do caldo, fanse os bolos e bótanse a cocer na pota co resto do cocido cando está a ferver. A súa orixe é tan antiga como a do propio cocido e o seu rastro pode albiscarse nos versos de Rosalía de Castro.
- El Correo Gallego - Diario de la capital de Galicia
- Devuelven unos 4.000 euros que escupió un cajero automático en Lalín tras ingresarlos un vecino
- Así fue el discurso viral de una gallega contra el turismo que cada año inunda Santiago de Compostela: "Somos un decorado en su Camino de Santiago
- Ocio nocturno en Compostela: un viaje nostálgico a la era dorada de los 80 y 90
- La USC nombra dos nuevos doctores "honoris causa
- Joyas de Compostela: el arte de la orfebrería santiaguesa que los ourives han sabido preservar
- “Sí, quiero”... pero con separación de bienes: ¿Por qué la mitad de los gallegos eligen ya esta opción?
- Los seis platos que son el orgullo de Santiago: todo compostelano debe haberlos probado