David Santomil deixa a Corporación amesá tras doce anos para dar paso a unha renovación xa “rodada” no Bloque
O líder do BNG da capital maiá asegura que é o momento de dar paso ás compañeiras
Entrará no grupo Carlos García Vieito e Escarlata Pampín vai converterse na nova voceira
David Santomil Mosquera, membro da Corporación de Ames dende hai 12 anos, deixará a súa acta de concelleiro no vindeiro pleno municipal, despois de que este xoves dera conta e consensuara coa asamblea local do BNG amesán a súa decisión. O argumento deste político de vocación é “a necesaria renovación do equipo”, no que a actual edil Escarlata Pampín será a nova voceira nacionalista.
Santomil, que foi membro do equipo de goberno en coalición co PSOE dende 2015 a 2023, lembra que deixa un grupo “rodado” no que ademais as mulleres estarán á fronte. “Escarlata, sempre que así o dedida a asemblea local, ten moita experiencia e, ademais, contará cos compañeiros Rosalía Seijas, Natividade González e Alexandre Espinosa, sumándose Carlos García Vieito previsiblemente o vindeiro mes”.
Licenciado con grao en Xeografía pola Universidade de Santiago de Compostela, David Santomil é tamén doutor en Xeografía e Análise do Territorio e traballa na Axencia Galega de Innovación, GAIN.
Primeiras verbas
Pola súa banda, Pampín indica que "afronto esta etapa como voceira do BNG con moitísima ilusión e coa certeza de que nas eleccións municipais do ano 2027 seremos a alternativa que nos levará ó cambio de goberno no noso Concello”. Santomil quixo lembrar, ao fío, que o traballo do BNG durante estes 8 anos centrouse en continuar e ampliar ás áreas de xestión, as políticas e proxectos 'marca BNG', “unhas políticas derivadas da escoita e do sentir das veciñas e veciños" da capital maiá, tal como destacou.
David tamén subliñou que neste período “destacan as negociacións levadas a cabo coa Xunta para a ampliación de varios centros escolares e as xestións para lograr os investimentos necesarios para construír un novo colexio no Milladoiro”. Así como a xestión dos comedores escolares e os programas de conciliación municipal e iniciouse a construción da “cociña central” na antiga nave de obras en Bertamiráns. Ademais da declaración de A Ponte Maceira como Ben de Interese Cultural (BIC) que marcou un fito importante neste período para a protección" dun dos principais elementos patrimoniais dos concellos de Ames e Negreira.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Acciona se asocia con Nissan para la distribución en Europa de su nuevo nanocar Silence S04
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Así es el original mirador de Santiago que permite sacar la fotografía más buscada de la Catedral
- El informe municipal sobre la actuación de la Panorama en el Obradoiro es negativo: ¿Habrá cambio de escenario?