CULTURA
Lupe Blanco e Luis Caruncho regueifan cos estudantes de Boiro
O primeiro certame escolar promovido polo Concello xuntou a alumnos de nove colexios e institutos
O obxectivo é achegar á rapazada á tradición e dar a coñecer a poesía oral improvisada
![Participantes no primeiro certame de regueifas de Boiro](https://estaticos-cdn.prensaiberica.es/clip/d43bd7bc-a996-42e7-b213-56e332074159_16-9-discover-aspect-ratio_default_0.jpg)
Participantes no primeiro certame de regueifas de Boiro / Concello de Boiro
J. M. Ramos
O Concello de Boiro celebrou este venres o I Certame de Regueifas cos centros educativos do municipio. No festival, que estivo presentado por Lupe Blanco e Luis Caruncho, participaron os escolares do CEIP Cespón, CEIP Abanqueiro, IES A Cachada, CEIP Santa María do Castro, CEIP Escarabote, IES Espiñeira, CEIP Praia Xardín, CEIP Santa Baia e IES Praia Barraña. Cantaron as súas creacións e realizaron xogos de rimas.
Previamente a este certame, o alumnado dos distintos centros participou en obradoiros nos que os rapaces tiveron a oportunidade de improvisar con xogos de palabras. “Celebramos este festival con motivo da celebración das Letras Galegas, para poñer en valor a nosa lingua”, afirmou a concelleira de Ensino, Carmen Silva.
![Primeiro certame de regueifa en Boiro](https://estaticos-cdn.prensaiberica.es/clip/d25a47cf-1138-4f81-bcac-a65102728aef_alta-libre-aspect-ratio_default_0.jpg)
Primeiro certame de regueifa en Boiro / Concello de Boiro
O obxectivo desta actividade foi dar a coñecer o fenómeno da poesía oral improvisada en verso, achegar á rapazada a tradición, explicando a historia da regueifa e outras expresións da improvisación que existen por toda Galicia, así como espertar posibles vocacións nesta práctica artística cun importante poder didáctico.
- La mejor estudiante de Santiago en la ABAU: “Eso de que para sacar buenas notas hay que encerrarse para estudiar es mentira”
- El Correo Gallego - Diario de la capital de Galicia
- Así es el impresionante ático dúplex en venta en Santiago de Compostela, con espectaculares terrazas y el piso más barato del casco histórico
- “Nunca he estado en una ciudad como Santiago, por eso creo que estoy muerto y me lo he inventado todo”
- Antonio Catalán, fundador de AC Hotels by Marriott: 'La auténtica pandemia que tenemos ahora es la del piso turístico
- El ministro Puentes confirma que el tramo Palas-Melide de la autovía abrirá este año, pero el de Arzúa está aún al 50%
- Limpieza de alcantarillas en Santiago para prevenir inundaciones ante la posible llegada de una DANA
- Atardecer no Gaiás 2024: estos son los conciertos para gozar de las puestas de sol del verano en Compostela