FESTAS
O incombustible grupo madrileño Los Secretos actuará no San Xoán de Carballo
O concerto será gratuíto o día do patrón, 24 de xuño, ás 23.00 horas na Praza do Concello
O 31 de maio presentarase o cartel completo das celebracións da capital de Bergantiños
![Los Secretos actuarán o día 24 de xuño na Praza do Concello de Carballo](https://estaticos-cdn.prensaiberica.es/clip/ac855f7e-afbb-4d93-bacb-62f118dd8dff_16-9-discover-aspect-ratio_default_0.jpg)
Los Secretos actuarán o día 24 de xuño na Praza do Concello de Carballo / Marta Pich
J. M. Ramos
Quen vai actuar no San Xoán de Carballo? Para coñecer o programa completo que ten preparado a comisión de festas haberá que agardar ata o venres 31 de maio, pero xa está confirmada unha das grandes actuacións: o incombustible grupo madrileño Los Secretos, que ofrecerá un concerto o día do patrón, 24 de xuño, a partir das 23.00 horas, na Praza do Concello.
Despois de comezar o ano cun éxito sen precedentes no teatro Novo Apolo de Madrid, o seu musical A tu lado está a converterse nun dos triunfos máis absolutos de toda a carreira de Los Secretos, que esgota entradas en todas as cidades. En Carballo, veciños e visitantes poderán escoitalos nun concerto gratuíto, aberto a toda a todas as persoas que queiran achegarse ata a Praza do Concello.
![Membros da comisión de festas do San Xoán 2024 de Carballo](https://estaticos-cdn.prensaiberica.es/clip/937eba2a-aaf3-4a74-b2a4-a48952ed032b_alta-libre-aspect-ratio_default_0.jpg)
Membros da comisión de festas do San Xoán 2024 de Carballo / C. Carballo
A tu lado é un espectáculo de “teatro musicalizado” que está a recibir moi boas críticas do público e da prensa especializada. Brillante, emotivo e elegante, este musical ábrese agora paso por cidades como Bilbao, Mallorca, Alacante, Zaragoza, Murcia, Xixón, Sevilla, Valencia, Pamplona, Cáceres… e Carballo!
Dende a comisión de festas confían en poder escoitar tamén algún anticipo do novo álbum de estudo que prometen sacar en setembro. "Este San Xoán teremos en Carballo a uns Secretos totalmente renovados, cheos de enerxía e paixón, que sen dúbida recibirán todo o agarimo do seu público, máis incondicional que nunca", afirman.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local