INNOVACIÓN
A Intelixencia Artificial monitoriza o crecemento de pementos e tomates nun invernadoiro de Zas
A empresa Azura Tech estuda o consumo de auga e a resistencia ás pragas de especies autóctonas
Pon a información a disposición dos produtores e brinda apoio a persoas en risco de exclusión social
![María Rivas, á esquerda, e Cristina Gil, no invernadoiro da empresa tecnolóxica en Zas](https://estaticos-cdn.prensaiberica.es/clip/7fee68d0-254a-456a-8c53-c6ec6758a8b1_source-aspect-ratio_default_0.jpg)
María Rivas, á esquerda, e Cristina Gil, no invernadoiro da empresa tecnolóxica en Zas / D. G.
J. M. Ramos
Azura Tech é unha empresa tecnolóxica, con sede en Zas, que conta cun invernadoiro de 50 metros cadrados no que desenvolve estudos sobre o consumo de auga de especies autóctonas de pementos e tomates, así como a súa resistencia ás pragas ou ás virosis. Un traballo que desenvolve a través de ferramentas de Intelixencia Artificial (IA) que monitorizan en todo momento o crecemento destes cultivos e facilitan o estudo dos mesmos.
O obxectivo final é fomentar a agricultura ecolóxica poñendo a información recollida a disposición das e dos produtores ou doutras empresas de asesoramento para a implementación de solucións para os cultivos de vexetais.
![María Rivas, esquerda, e Cristina Gil no invernadorio de Azura Tech](https://estaticos-cdn.prensaiberica.es/clip/64fd0d89-958f-44df-b118-343ede9fbb12_alta-libre-aspect-ratio_default_0.jpg)
María Rivas, esquerda, e Cristina Gil no invernadorio de Azura Tech / D. G.
A súa xerente, Cristina Gil, destaca o “carácter social e comunitario” desta pequena empresa tecnolóxica, xa que realizan talleres de transferencia do coñecemento adquirido a toda a comunidade agraria. Ademais, levan a cabo actividades específicas con persoas en risco de exclusión social, ou con entidades que promoven a inclusión de persoas con discapacidade.
Cristina recibiu este martes a visita da subdelegada do Goberno, María Rivas, quen subliñou que “son este tipo de empresas as que axudan a poñer en valor os nosos produtos, ademais de contribuir a visibilizar tanto ás mulleres no ámbito rural como na ciencia e na tecnoloxía, polo que son iniciativas con un altísimo valor, que deben ser apoiadas”.
De feito Azura Tech é unha das beneficiarias das axudas do programa Kit Dixital do Ministerio para a Transformación Dixital e da Función Pública, que mobilizou máis de 107 millóns de euros en Galicia a través de 25.800 abonos, 9.700 deles na provincia da Coruña, onde o investimento supera os 41 millóns de euros, segundo sinalou María Rivas.
Subliñou ademais que na última convocatoria creáronse dous novos tramos para empresas de 50 a 100 empregados e tamén para as de entre 100 e 250 traballadores. Ademais, as de menos de tres empregados, como Azura Tech “verán incrementado o importe da axuda ata os 3.000 euros”, afimou a subdelegada.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local