A alcaldesa de Cee, Margarita Lamela, encabezou o acto conmemorativo destacando que “é necesario cambiar actitudes e comportamentos, recoñecer e distinguir o machismo e educar en igualdade. Sementemos igualdade”. A concelleira de Servizos Sociais, Emilia Trillo, deu lectura á declaración institucional e usuarios de Apem reivindicaron o labor da muller en todas as súas facetas. Despois trasladáronse á Praza Otero Lastres para ver o mural deseñado pola ceense Laura Suárez e feito por Rakele Cavallo.