Santiago
+15° C
Actualizado
martes, 21 septiembre 2021
19:22
h
A iniciativa organizada polo Concello fixo da cultura o centro de Ames// Nela aunáronse disciplinas como a maxia, a música ou os monólogos TEXTO Pedro Brea

Éxito rotundo dos Seráns de Tapia en xullo

O programa dos Seráns de Tapia, organizado pola concellaría de Cultura, presentábase a finais de xuño cunha extensa e variada programación. Este tiña dous obxectivos: revalorizar a contorna da Praia Fluvial e democratizar a cultura levándoa ao rural. Así pois, ao longo do mes de xullo, esta iniciativa acolleu a un total de 500 persoas, cun aforo limitado por actuación aos 70 espectadores, que se acadaron sempre.

O éxito da devandita actividade cultural, reside en potenciar un espazo privilexiado e nunha variada programación que abrangue dende público familiar, adulto e mocidade. Ademais, un dos factores claves foi o tempo, xa que xoves tras xoves tivo clemencia e respectou aos diferentes espectáculos que se celebraron ao longo do desapracible mes.

Doutra banda e, quizais, un dos factores máis transcendetais para a gran acollida que esta recibiu, foi o gran repertorio de idades que as actuacións de cada xoves incluían, dado que ao longo do mes a Praia Fluvial de Tapia acolleu dende obras de comedia musical, da man do grupo Píscore e espectáculos de índole circense como o levado a cabo por Elena Vives e a súa obra A gata Xaponesa: As viaxes de Bowa. Ademais, a estas representacións uníronselle outras adicadas aos cativos e cativas, como a sesión de contacontos protagonizada pola Biblioteca Municipal de Ames e as súas narradoras Bibiana Calvo Ares e Divina Fernández Canosa. Por último e como era de esperar, a música tivo un papel predominante nos Seráns de Tapia e, nesta ocasión, foi da man do grupo Broken Peach. Así pois, dita iniciativa despide o mes de xullo para continuar ao longo de agosto e setembro.

03 ago 2021 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.