Santiago
+15° C
Actualizado
domingo, 07 agosto 2022
13:08
h

Ferida de gravidade unha nena que foi atropelada por un vehículo na Estrada

A menor foi trasladada en helicóptero ao Complexo Hospitalario de Santiago

Unha nena resultou ferida de gravidade ao ser alcanzada por un vehículo na Estrada, concretamente no punto quilométrico 201 da N-640, na parroquia de Callobre. O 112 Galicia recibiu o aviso do atropelo a través da comunicación de varias persoas particulares, ás seis e media desta tarde.

Nada máis recibir a alerta, o persoal do CIAE 112 Galicia requiriu a intervención de Urxencias Sanitarias de Galicia-061, que mobilizou un helicóptero ata unha zona próxima ao lugar dos feitos; e tamén a da Policía Local e da Garda Civil de Tráfico, para prestar apoio ao equipo médico desprazado na aeronave medicalizada, na que a menor foi evacuada ao Complexo Hospitalario Universitario de Santiago de Compostela.

Ademais, desde o 112 Galicia informouse ao GES e a Protección Civil da Estrada.

16 abr 2022 / 20:58
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.