Santiago
+15° C
Actualizado
viernes, 20 mayo 2022
15:06
h

Oito mil descargas das ‘sensasións’ de Muxía

MUXÍA. Xa son máis de 8.000 as persoas que puideron namorarse da vila da Barca a través dos seus sons. A campaña Muxía, un municipio de sensasións presentada en Fitur a semana pasada está a ser todo un éxito e o código QR suma xa máis de oito mil descargas. Así, por medio da tecnoloxía, o Concello muxián leva a súa cultura, as súas tradicións e a súa historia arredor de todo o mundo.

Ademais, decenas de rostros coñecidos como Abel Caballero, Touriñán, Paula Vázquez ou a propia ministra de Turismo, Reyes Maroto, promocionaron e foron embaixadores de luxo da campaña, xunto ao alcalde, Iago Toba. Entre as sensasións máis reproducidas están o son das palilleiras de Muxía e o Viva a Virxe da Barca do veciño José María.

A viaxe a Madrid non puido ser máis produtiva xa que o rexedor tamén tivo a ocasión de recibir o interese de diferentes empresas nas reunións mantidas pola redes de hoteis e albergues de Muxía. Paralelamente, tamén puido asistir á reunión de resultados de Paradores, que certificou ao Parador da Costa da Morte como o mellor valorado de todo o país. “Muxía é un municipio de sensasións e por iso estamos moi orgullosos do éxito que está a ter esta campaña que leva o sentir do noso Concello polo mundo. Muxía entra polos cincos sentidos e este QR é tan só unha mostra da nosa esencia, das nosas raíces, da nosa particular fala e do que somos”, destacou Toba.

26 ene 2022 / 01:00
  • Ver comentarios
Noticia marcada para leer más tarde en Tu Correo Gallego
TEMAS
Tema marcado como favorito
Selecciona los que más te interesen y verás todas las noticias relacionadas con ellos en Mi Correo Gallego.