Ordes recolle xa tapóns para os orfos de Burundi
![O alcalde de Ordes, esquerda, e a edil Ana Soneira, dereita, con colaboradores na alameda ordense. Foto: CO O alcalde de Ordes, esquerda, e a edil Ana Soneira, dereita, con colaboradores na alameda ordense. Foto: CO](http://www.elcorreogallego.es/binrepository/900x675/0c61/900d506/none/102922340/UEVS/area8-1_422-6355094_20221118193014.jpg)
![Tapóns para reciclar, entre eles os recollidos en Cerceda. Foto: ONG Tapóns para reciclar, entre eles os recollidos en Cerceda. Foto: ONG](http://www.elcorreogallego.es/binrepository/900x1636/0c565/900d506/none/102922340/THUG/area8-2_422-6355092_20221118193015.jpg)
![Algúns dos pequechos que conviven no orfanato de Burundi a donde van dirixidas as axudas. Foto: ONG Algúns dos pequechos que conviven no orfanato de Burundi a donde van dirixidas as axudas. Foto: ONG](http://www.elcorreogallego.es/binrepository/900x676/0c170/900d506/none/102922340/BGUY/area8-3_422-6355098_20221118193016.jpg)
![O rexedor orosán, Luis Rey, esquerda, con tapóns que foron doados o pasado ano nesta campaña. Foto: CDO O rexedor orosán, Luis Rey, esquerda, con tapóns que foron doados o pasado ano nesta campaña. Foto: CDO](http://www.elcorreogallego.es/binrepository/1008x506/54c0/900d506/none/102922340/VJTD/area8-4_422-6355096_20221118193017.jpg)
Os nenos do orfanato Mugabekazi W’ingo, na parroquia de Nyabiraba-Gishubi-Gitega, está de noraboa: o Concello de Ordes súmase á campaña de recollida de tapóns Axuda a Burundi, seguindo os pasos doutros municipios solidarios da súa comarca, como o de Oroso ou Cerceda... situados a 8.700 kilómetros de distancia da localidade africana.
Así o destacaban dende a administración local ordense, que dende hai uns días ubicou na alameda da súa vila un contedor de recollida de tapóns a favor desta rapazada. “Achegando os tapóns ao contedor contribúes coa ONG Axuda a Burundi, que busca axudar aos nenos e nenas do centro Mugabekazi W’ingo a loitar contra a desnutrición, mellorar o seu coidado, a súa saúde e a calidade da educación”, indican.
A ONG citada daba conta de que nas últimas semanas, remitiron cargamentos de plástico para reciclar dende Cerceda e Oroso e así dirixir as doazóns a un dos cinco países máis pobres da África, onde a esperanza de vida apenas ronda os 61 anos, ademais. Alí, case o 57 por cento dos pequechos de menos de cinco anos sufre desnutrición crónica. Na actualidade están organizando diferentes proxectos para mellorar (e reconstruír) ese orfanato, pero tamén a alimentación, recursos humanos “e moitas máis cousas para os nenos”, din. Os interesados poden sumarse na web axudaburundi.org.
E entre os fitos dos municipios veteranos nesta colaboración destaca, precisamente a do orosano, onde o rexedor Luis Rey se congratulba o pasado ano de que, en apenas cinco días de campaña, acadaran unha tonelada de tapóns, grazas tamén aos recipientes corazóns solidarios.