Os clientes poden empregar xa o Bono Activa Comercio en máis de 1.600 negocios da provincia da Coruña
Os bonos, en formato QR, son de 30 euros por persoa e poderán utilizarse ata que o importe total dos descontos utilizados alcance os 2,5 millóns de euros que a Administración autonómica destina ao programa nesta convocatoria
![Establecemento adherido o Bono Activa Comercio](https://estaticos-cdn.prensaiberica.es/clip/c0134ae5-2da8-4e1d-88af-6c1c8081a1fa_16-9-discover-aspect-ratio_default_0.jpg)
Establecemento adherido o Bono Activa Comercio / Xunta
Redacción
Os clientes poden xa descargar e empregar os 30 euros de desconto do Bono Activa Comercio da Xunta, que hoxe bota a andar en máis de 1.600 negocios da provincia da Coruña. No conxunto de Galicia, adheríronse ata a data 4.384 empresas comerciais, correspondendo 1608 á provincia da Coruña, 621 a Lugo, 682 a Ourense e 1473 a Pontevedra.
O director xeral de Comercio e Consumo, Manuel Heredia, visitou hoxe diferentes establecementos participantes na iniciativa na cidade da Coruña: Bululú Libros, Luna Lunera e Eureka Kids. Tal e como sinaou Heredia, as persoas consumidoras poden descargar na web www.bonosactivacomercio.gal un bono desconto de 30 euros para as compras que realicen nos comercios adheridos, e estes poden continuar sumándose ata o 1 de setembro. A terceira edición deste programa conta cun orzamento de 2,5 millóns de euros e permitirá mobilizar 8,5 millóns de euros en vendas, contribuíndo así a dinamizar o sector e a implicar á cidadanía no impulso ao comercio de proximidade.
Os bonos teñen formato dixital QR e estarán dispoñibles para a súa utilización nunha aplicación móbil. O importe irase reducindo en función do valor da compra. Así, ás compras iguais ou superiores a 20 euros e inferiores a 30 euros corresponderalle un desconto de 5 euros. A rebaixa será de 10 euros para as compras iguais ou superiores a 30 euros e inferiores a 50 euros. A partir desta cantidade, o desconto alcanzará os 15 euros.
Como principal novidade desta edición do Bono Activa Comercio e para optimizar o seu funcionamento, non se limitará o número de usuarios que poden descargarse os bonos —un por persoa—, senón que cando o importe total dos descontos realizados alcance os 2,5 millóns de euros, os bonos descargados xa non se poderán utilizar.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local