O Bono Activa Comercio tentará potenciar o consumo e reducir o impacto da inflación
Gonzalo Trenor anunciou na Laracha que xa está aberto o prazo para baixar os códigos QR de desconto
Redacción
O delegado da Xunta, Gonzalo Trenor, visitou A Laracha, onde informou que dende este martes, día 9, os establecementos xa poden adherirse ao Bono Activa Comercio da Xunta de Galicia. Fíxoo durante unha visita á tenda Tulipano Moda, acompañado polo alcalde, José Manuel López, e concelleiras locais.
Salientou que é moi importante “seguir potenciando o consumo das familias co comercio de proximidade” e poñer en valor “o servizo e a calidade do pequeno comercio e traballar conxuntamente para consolidar as vendas”. Explicou que a terceira edición do Bono Activa Comercio conta cun orzamento de 2,5 millóns de euros e permitirá mobilizar 8,5 millóns en vendas. Ten tamén por obxectivo contribuír a reducir o impacto da inflación das familias.
Como en anteriores ocasións, as persoas consumidoras poderán descargar na web www.bonosactivacomercio.gal un bono desconto de 30 euros para as compras que realicen nos comercios adheridos. Os bonos terán formato dixital QR e estarán dispoñibles para a súa utilización nunha aplicación móbil.
O importe irase reducindo en función do valor da compra. Así, ás compras iguais ou superiores a 20 euros e inferiores a 30 euros corresponderalle un desconto de 5 euros. A rebaixa será de 10 euros para as compras iguais ou superiores a 30 € e inferiores a 50. A partir desta cantidade, o desconto alcanzará os 15 €.
Os bonos estarán dispoñibles para a súa descarga e uso por parte dos consumidores desde o 15 de maio e ata o 15 de setembro, salvo esgotamento previo do orzamento destinado a este programa. Como principal novidade desta edición do Bono Activa Comercio non se limitará o número de usuarios que poden descargarse os bonos —un por persoa—, senón que cando o importe total dos descontos realizados alcance os 2,5 millóns de euros, os bonos descargados xa non se poderán utilizar.
Pola súa banda, o Concello larachés abrirá este mércores, día 10, o prazo para que os cidadáns soliciten os bonos do programa Eu merco na Laracha, dirixido a subvencionar as compras para reactivar e dinamizar o comercio local. Poderán facelo ata o día 19 de maio a través da web municipal. A Administración local destina a esta iniciativa un total de 40.000 euros do orzamento do Concello.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Acciona se asocia con Nissan para la distribución en Europa de su nuevo nanocar Silence S04
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Así es el original mirador de Santiago que permite sacar la fotografía más buscada de la Catedral
- El informe municipal sobre la actuación de la Panorama en el Obradoiro es negativo: ¿Habrá cambio de escenario?