Movemento Sumar Galicia rexistra o partido e inicia o camiño cara ás eleccións galegas
A deputada de Sumar Galicia, Verónica Martínez, rexistrou esta mañá o partido no Ministerio do Interior
Nos próximos días darase a coñecer a comisión promotora do espazo, da que será portavoz o profesor da USC Paulo Carlos López López
Redacción
A deputada de Sumar Galicia no Congreso dos Deputados, Verónica Martínez, vén de rexistrar Movemento Sumar Galicia como partido político no Ministerio do Interior. Movemento Sumar Galicia nace así como unha organización galega autónoma que estará federada con Movemento Sumar a nivel estatal.
Movemento Sumar Galicia aspira a aglutinar as persoas que conforman este movemento e que "comparten un proxecto de país aberto e inclusivo, construído desde o diálogo e a escoita". Coa vontade de sumar forzas con outros actores, Movemento Sumar Galicia "será unha forza centrada nas políticas públicas útiles, co obxectivo de descadrar o taboleiro e ser o imprescindible detonante do cambio político en Galicia". O partido pretende ofrecer ás galegas e galegos "un horizonte de seguridade que garanta vidas dignas, tranquilas, con tempo e felices".
Paulo Carlos López, portavoz nacional
Nos próximos días, o novo partido dará a coñecer unha comisión promotora formada por persoas de procedencias diversas, pero co "obxectivo común de contribuír de maneira decisiva a gañarmos a próxima década como país".
As máis de 3.500 persoas inscritas en todo o país veñen de recibir, na mañá de hoxe, unha carta asinada por quen exercerá como portavoz da promotora, Paulo Carlos López, na que se compromete a “seguir tecendo a esperanza e a ilusión que xa está a transformar, con políticas públicas útiles, a nosa realidade cotiá”. Desde a promotora, cuxa composición se coñecerá nos próximos días, apelan “á unidade de todas as persoas e organizacións que compoñen este espazo político”. “Nunca renunciamos e nunca renunciaremos á unidade”, afirmou esta mañá o futuro portavoz.
Concorrerá ás próximas autonómicas
O rexistro de Movemento Sumar Galicia supón un paso fundamental para concorreren ás vindeiras eleccións ao Parlamento de Galicia. No partido din ser "conscientes da xanela de oportunidade histórica que se abre no noso país" e inician un camiño de mobilización e organización para estaren en condicións de ser alternativa de goberno ao PP. “Movemento Sumar Galicia nace para gobernar este país e queremos contar con todos os galegos e galegas coa única vontade de que a esperanza se abra paso en Galicia cun cambio de goberno”, sinalou Paulo Carlos López.
- Estos son los dos pueblos más felices de Galicia: los únicos en el top35 de España
- Un nuevo frente atlántico llega a Galicia: así será el tiempo la semana del puente de mayo
- Rueda completa la remodelación de la Xunta con el nombramiento de 16 directivos: Reboredo Nogueira liderará la Oficina de Coordinación Económica
- “Gañar unha praza significaría algo tan básico como poder poñerme enferma”
- “Sí, quiero”... pero con separación de bienes: ¿Por qué la mitad de los gallegos eligen ya esta opción?
- Así es el faro de Galicia que ha sido elegido como uno de los más impresionantes de Europa
- Portugal elimina los peajes entre Galicia y Oporto tras apoyar la ultraderecha una propuesta socialista
- Así será la ABAU 2024 en Galicia: fechas, horarios definitivos de los exámenes y principales novedades