Adxudicadas por 112 millóns as obras da variante exterior do AVE en Ourense
Trátase dos dous primeiros tramos entre Taboadela e Seixalbo, que suman oito kilómetros dos dezaoito totais
A variante da alta velocidade de Ourense, o último tramo pendente do novo acceso ferroviario central a Galicia camiña cara unha realidade. O Goberno ven de aprobar a adxudicación das obras por máis de 122 millós de euros para o acondicionamento da rede ferroviaria nos dous subtramosnos que se divide esta actuación: Taboadela-Túnel de Rante e Túnel de Rante-Conexión Seixalbo.
Todo parecía complicarse cando o último ministro de Fomento do Goberno de Rajoy, Íñigo de la Serna, fixo unhas declaracións que o Executivo autónomo non considerou oportunas e que facían referencia á variante de alta velocidad de Ourense cuestionando a construcción deste tramo ao asegurar que había que gastar “600 millones para ahorrar 4 minutos”. A pesar de que rematou rectificando, sempre estivo presente o temor a que Transportes se contentara coa adaptación á alta velocidade do tramo de vía única de 14 kilómetros entre Taboadela e Ourense. Estas sospeitas desapareceron recentemente cando o ministro José Luis Ábalos asegurou que xa estaba aprobado un dos proxectos da variante e que así podía salir xa a contratación.
Trala adxudicación por máis de 112 millóns de euros dos contratos para a construción de ambos tramos que suman case 8 quilómetros dos 18 de lonxitude da nova variante, o delegado do Goberno en Galicia, José Miñones puxo en valor o compromiso do Goberno que supón un impulso importante para seguir avanzando na chegada da alta velocidade a Ourense. “Os feitos demostran que este Goberno cumpre o que promete e traballa para que a infraestrutura da variante exterior sexa unha realidade”, sinalou.
Miñones indicou que o Ministerio de Transportes, Mobilidade e Axenda Urbana, a través de Adif Alta Velocidade, adxudicou o tramo Taboadela-Túnel de Rante á UTE formada por Construcións Sánchez Domínguez Sando e Rover Infraestruturas por 83.443.980,59 euros (IVE incluído). Pola súa banda, o tramo Túnel de Rante-Conexión Seixalbo foi adxudicado a Rover Infraestruturas por 27.448.623,45 euros (IVE incluído).
Ambos os contratos comprenden a execución das obras de plataforma (infraestrutura) dos tramos, incluída a capa inferior de balasto, sendo obxecto doutros contratos posteriores a superestrutura (vía) e o resto das instalacións ferroviarias (electrificación, sinalización, comunicacións, etcétera).
Así mesmo, Adif Alta Velocidade adxudicou un contrato de consultoría e asistencia técnica para o control das obras do tramo Túnel de Rante-Conexión Seixalbo á UTE formada polas empresas Applus Norcontrol e Eptisa Servizos de Enxeñería por un valor de 1.573.000 euros (IVE incluído).
TRAMO TABOADELA-TÚNEL DE RANTE (5,6 km) Este tramo da Variante Exterior de Ourense discorre polos termos
municipais de Taboadela e San Cibrao das Viñas, na provincia de Ourense. O trazado dá continuidade á plataforma ferroviaria da Liña de Alta Velocidade Madrid-Galicia a partir de Taboadela, con deseño para dobre vía electrificada en ancho estándar (1.435 mm), en ancho de plataforma de 13,60 metros e entreeixe de 4,30 metros. O túnel de Rante é a obra máis importante do tramo. Trátase dun túnel monotubo para vía dobre, de 3.410 metros de lonxitude (o 60,9% do total do tramo) e 85 m2 de sección.
Dada a súa lonxitude prevense tres saídas intermedias de emerxencia mediante galerías transversais de 180, 449,5 e 322,4 metros, respectivamente, con saída directa ao exterior, permitindo a conexión das mesmas coa rede viaria existente e a disposición de áreas de socorro e rescate cunha superficie mínima de 500 m2.
tRAMO TÚNEL DE RANTE-CONEXIÓN SEIXALBO (2,26 km) Este tramo discorre polos termos municipais de San Cibrao das Viñas e Ourense e soluciona o paso da Liña de Alta Velocidade Madrid-Galicia pola zona periurbana da poboación de Seixalbo, aproveitando para iso o actual corredor ferroviario da liña Zamora-Ourense, dispoñendo a nova plataforma en paralelo á existente, na medida do posible, co fin de minimizar as necesidades de ocupación e a afección á contorna.
Entre outras melloras, a nova plataforma discorrerá por encima do túnel de Aspera (153,9 m de lonxitude), da liña convencional Zamora-Ourense. Para evitar afeccións efectuarase unha solución de reforzo por encima do devandito túnel sen afectar á súa sección.
O delegado do Goberno en Galicia, José Miñones, destacou a decidida aposta do Gobeno pola modernización do ferrocarril na provincia de Lugo que se materializa na mobilización de novos investimentos por importe de máis de 60 millóns de euros.
O delegado do Goberno puxo de manifesto o pulo que supón para a mellora das infraestruturas ferroviarias na provincia a autorización de tres novos contratos para a mellora da infraestrutura e sinalización do treito Ourense-Monforte de Lemos-Lugo.
Miñones remarcou que “o Goberno segue a mobilizar investimentos millonarios para dotar a Lugo de boas comunicacións por ferrocarril, cumprindo así o seu compromiso con esta provincia”. Ademais informou de que o Ministerio de Transportes, Mobilidade e Axunta Urbana vén de dar un novo pulo á mellora do corredor ferroviario Ourense-Monforte de Lemos-Lugo, coa autorización polo Consello de Administración de Adif de tres novos contratos destinados á mellora da infraestrutura e a sinalización do treito Ourense-Monforte de Lemos.
O delegado do Goberno explicou que dous dos contratos autorizados, por importe de 46.961.892 euros (IVE incluído) teñen por obxecto o tratamento de elementos de infraestrutura (pontes, túneles e explanacións) nun treito de 19,1 km. Ademais, autorizouse a adxudicación de outro contrato, por importe de 13.252.593,90 euros (IVE incluído), para a mellora das instalacións de sinalización e telecomunicacións dos 46 km do treito Ourense-Monforte.
Os tres contratos forman parte dos proxectos para a modernización do corredor ferroviario Ourense-Monforte de Lemos-Lugo e teñen a finalidade de mellorar o estado da infraestrutura e aumentar a fiabilidade das liñas e a calidade do servizo.
O primeiro dos contratos de tratamento da infraestrutura ten un presuposto de licitación de 26.831.702 euros (IVE incluído) e un prazo de execución de 14 meses. O segundo conta con un orzamento de licitación de 20.130.190 euros (IVE incluído) e o seu prazo de execución é de 15 meses e 15 días.
Por outra banda, o contrato de obras de execución do proxecto construtivo para a mellora das instalacións de sinalización e telecomunicacións do treito Ourense-Monforte foi adxudicado á UTE formada por CAF Signalling e Instalaciones Técnicas Eléctricas Asturianas por 13.252.593 euros (IVE incluído) con un prazo de execución de 20 meses. ecg