Máis inversión para os grupos competitivos galegos nas áreas I+D+i

INVESTIGACIÓN. O Goberno galego vai destinar preto de 24 millóns de euros ás axudas dirixidas aos grupos máis competitivos do sistema de I+D+i de Galicia. A partida, según destacou onte o presidente da Xunta,

“é un 60% máis que na anterior convocatoria”. Feijóo lembrou que nos últimos nos a Xunta xa mobilizou nos grupos de maior interese investigador máis de 175,5 millóns de euros, grazas aos que, a día de hoxe, funcionan 276 grupos de investigación nos que traballan arredor de 2.600 investigadores. O presidente avanzou que esta convocatoria, promovida conxuntamente pola Vicepresidencia Segunda e a Consellería de Cultura, está dirixida ás tres universidades galegas, aos organismos públicos de investigación, ás fundacións de investigación sanitaria e aos centros galegos do CSIC e do IEO. ECG