Protesta en Gamesa: só teñen carga de traballo ata o 20 de decembro
Nova protesta dos 300 operarios desta planta de palas para eólicos, ubicada nas Somozas
As Somozas. Nunha protesta celebrada este venres entre as 13.00 e as 17.00 horas, os trescentos traballadores da planta de palas para eólicos de Siemens Gamesa en As Somozas denunciaron que só teñen ocupación ata o 20 de decembro. Como lles confirmou a dirección, tanto as principais inversións como os novos modelos de palas están destinados á fábrica de Vaos en Portugal. E segundo recoñecen desde o comité de empresa, “unha das opcións baralladas para nós é o peche”.
Ademáis das mobilizacións xa iniciadas o pasado sábado, os operarios teñen por diante unha reunión no Parlamento galego o 4 de novembro. E traballan cos 17 alcaldes da comarca de Ferrolterra para emitir un comunicado de apoio ás súas reclamacións. Segundo Sergio López, presidente do comité de empresa, “temos unha incertidume moi grande e temos medo ao peche da planta”.
Recordan os representantes do persoal que “os nosos operarios axudaron a implantar fábricas polo resto do mundo como Brasil, México, China ou India”. Ademáis “nos din que non somos competitivos para exportar, cando Vestas en Ciudad Real e LM en Ponferrada exportan con portos a moitos quilómetros de distancia”. P. Hermida
O pleno da Deputación da Coruña aprobou este venres dúas declaracións institucionais nas que demanda á Xunta e ao Goberno central que garanticen a viabilidade da planta de Siemens-Gamesa nas Somozas e que apoien as reivindicacións dos traballadores de Alu Ibérica na capital herculina.
Todos os grupos representados na institución provincial respaldaron a necesidade de adoptar as medidas necesarias que permitan a continuidade da actividad na factoría da comarca de Ferrolterra, Eume y Ortegal, onde traballan 300 persoas, e instan a aproveitar as oportunidades que ofrecen os plans de Transición Enerxética da Unión Europea.
Tamén respaldaron as reivindicacións dos empregados de Alu Ibérica, a antiga Alcoa A Coruña, e solicitan ao Ministerio de Industria que cumpla o seu compromiso de auditar a situación económica e fiscal da fábrica.
Tamén piden a Xunta e Moncloa que auditen o proceso de traspaso de Alcoa ao fondo suizo Parter e, posteriormente, ao Grupo Industrial Riesgo, “de forma que se determine si as operacións de traspaso vulneraron os acordos acadados”.