Alumnos noieses celebran o Día Marítimo en Lisboa
Viaxaron ata Portugal no marco dun intercambio e están a realizar varias actividades en diferentes localizacións lusas
Cincuenta estudiantes do IES Virxe do Mar de Noia e do IES Poeta Añón de Outes celebraron en Lisboa o Día Marítimo Europeo e o das Letras Galegas. A delegación de Galicia desprazouse ao país veciño no marco dunha convivencia co alumnado do instituto Giner de los Ríos de Lisboa, onde están a desenvolver varias actividades programadas en diferentes localizacións de Portugal.
Os rapaces visitaron o venres a praia Sao Martinho de Porto, onde analizaron as súas particularidades xeomorfolóxicas que xustifican o seu valor paisaxístico, turístico e ambiental. Alí iniciaron un repertorio musical en galego e en portugués, que se prolongou ao longo do Día das Letras en Lisboa e Aveiro. Estas pezas foron cantadas polos alumnos participantes, integrados no Coro Has de Cantar do instituto noiés, centro coordinador da iniciativa.
A tarde dedicárona a analizar a dimensión oceánica da capital lusa dende a desembocadura do Tejo. "Fixéronse proxeccións futuras dos posibles efectos da subida do nivel do mar. Este itinerario conduciuno a xoven mentora de Climántica nesta cidade, Marguerita Miguel" explicou o director do proxecto, Francisco Sóñora.
Onte os xóvenes examinaron a recuperación contemporánea no incendio do Chiado e das evidencias de impactos do cambio climático neste territorio. Tamén se desprazaron ao Oceanario para desenvolver un programa específico en español. Nesta visita didáctica a atención centrouse sobre os océanos no contexto do cambio climático.
As actividades rematan hoxe en Cascais, co estudo da ocupación do territorio cunha ruta en bicicleta.