Santiago
+15° C
Actualizado
martes, 21 septiembre 2021
12:25
h
Eurodeputada na sombra do BNG

Ana Miranda: “A UE excluirá o xeito da prohibición das redes de deriva e non porque vaia Feijóo alí”

Ana Miranda, eurodeputada na sombra no argot comunitario á espera de ocupar formalmente en 2018 e 2019 o escano rotatorio que conseguiu nas eleccións europeas pola coalición Os pobos deciden, mantén que o traballo de lobby acometido en Bruxelas nos últimos meses “vai ter resultado” e o xeito “vai quedar excluído da prohibición das redes da deriva”. Miranda, da escola de Camilo Nogueira de usar o escano como embaixada galega, asegura que o éxito da loita foi debido á “presión política” dende o primeiro momento, “e non porque vaia Feijóo alí o día 2 de febreiro a facerse unha foto de última hora” .

Vostede concorreu nas últimas europeas na coalición ‘Os pobos deciden’ encabezada por Josu Juaristi de EH Bildu. Como articula o seu traballo en Bruxelas?

Temos relación directa co deputado Josu Juaristi, porque as oficinas están á beira, pero o BNG ten oficina propia. Ao mesmo tempo, temos relación estreita cos nosos compañeiros da Alianza Libre Europea (ALE), que tamén están na Eurocámara. Presentamos iniciativas con uns e con outros segundo a temática. Temos absoluta liberdade.

Nestes primeiros meses unha boa parte do seu tempo dedicoullo a loitar polo mantemento da arte pesqueira do xeito.

Efectivamente, o xeito ocupou parte do meu tempo e tamén serviu para afondar na nosa idea de que para procurar a defensa dos intereses galegos temos que ter relación con quen sexa necesario en cada momento.

Como deseñou a defensa?

Relacionámonos tanto coa ponente da comisión de pesca (unha italiana socialista) como co de medio ambiente (un italiano do Movemento Cinco Estrelas de Beppe Grillo) e ambos foron moi receptivos. Tamén levamos a un grupo de 20 xeiteiros e o alcalde de Rianxo, que estiveron cos ponentes, na Comisión Europea co director xeral encargado das redes de deriva, e co presidente da Comisión de Pesca do Parlamento Europeo, Alain Cadec, que é un bretón do Partido Popular. Falamos con quen tiñamos que falar para que o xeito quede excluído da prohibición das redes de deriva: socialistas, Cinco Estrelas, Partido Popular. Tamén contamos con Juaristi, ALE e o Partido Nacionalista Escocés.

Más información en El Correo Gallego (edición papel) y en Orbyt

30 ene 2015 / 20:12
  • Ver comentarios
Noticia marcada para leer más tarde en Tu Correo Gallego
Tema marcado como favorito